একাধিক গন্তব্য স্থানৰ কেইবাখনো বিমান উপস্থিত হায়দৰাবাদ বিমান বন্দৰত

বৃহস্পতিবাৰে বন্দে ভাৰত অভিযানৰ জৰিয়তে বিদেশী ৰাষ্ট্ৰত আবদ্ধ হৈ থকা ভাৰতীয় লোকক উদ্ধাৰ কৰি, বহু কেইখন বিমান উপস্থিত হয় হায়দৰাবাদ বিমান বন্দৰত ।

নেশ্যনেল ডেস্ক, ২২ মে': বন্দে ভাৰত অভিযানৰ জৰিয়তে বিদেশী ৰাষ্ট্ৰত আবদ্ধ হৈ থকা ভাৰতীয় লোকক উদ্ধাৰ কৰি বহু কেইখন বিমান বৃহস্পতিবাৰে, একাধিক গন্তব্য স্থানৰ পৰা হায়দৰাবাদ আন্তঃৰাষ্ট্ৰীয় বিমান বন্দৰত উপস্থিত হয় ।

জেদ্দাহৰ পৰা বিজয়ৱাৰা হৈ প্ৰথমখন এয়াৰ ইণ্ডিয়া এআই ১৯১৪ বিমান ৬৮ গৰাকী ভাৰতীয় লোকক কঢ়িয়াই নিশা 12.28 বজাত হায়দৰাবাদ বিমান বন্দৰত অৱস্থান কৰে ।

দ্বিতীয়খন এয়াৰ ইণ্ডিয়াৰ বিমান এআই ১৭৪ ছান ফ্ৰান্সিস্কোৰ পৰা বাংগালুৰু হৈ হায়দৰাবাদত উপস্থিত হয় । এই বিমানখন বৃহস্পতিবাৰে দুপৰীয়া প্ৰায় 12.16 বজাত ৮১ গৰাকী যাত্ৰী কঢ়িয়াই হায়দৰাবাদ বিমান বন্দৰত উপস্থিত হয় ।

তৃতীয়খন বিমান এআই ১৩৪৭ চিংগাপুৰৰ পৰা হায়দৰাবাদ আহি উপস্থিত হয় সন্ধিয়া প্ৰায় 8.35 বজাত । বিমান খনে মুঠ ১৪৯ গৰাকী যাত্ৰী কঢ়িয়াই আনে ।

উল্লেখ্য যে, যাত্ৰী সকলক বিমান বন্দৰত উপস্থিত হোৱাৰ পিচতেই থাৰ্মেল স্ক্ৰীনিং কৰোৱা হয়, কৰ'ণা মহামাৰী সম্পৰ্কীয় সাৱধানতাৰ বাবে ।

অসামৰিক বিমান পৰিবহণ মন্ত্ৰী হৰদ্বীপ সিঙ পুৰীয়ে বৃহস্পতিবাৰে কয় যে, বন্দে ভাৰত অভিযানৰ জৰিয়তে ২০ হাজাৰৰো অধিক ভাৰতীয় নাগৰিকক স্বদেশলৈ উভতাই অনা হৈছে । লগতে অনাগত সময়ত এই সংখ্যা বৃদ্ধি পাব বুলিও উল্লেখ কৰে মন্ত্ৰী গৰাীয়ে ।