কাটাৰ, চৌদিৰ পৰা 263 ভাৰতীয়ক উদ্ধাৰ বিশেষ বিমানৰ

'বন্দে ভাৰত' অভিযানৰ দ্বিতীয় পৰ্যায়ৰ অংশ হিচাপে কাটাৰৰ দোহা আৰু চৌদি আৰবৰ দামানৰ পৰা 263 জন ভাৰতীয়ক উদ্ধাৰ কৰি হায়দৰাবাদত উপস্থিত হয় দুখন বিমান । হায়দৰাবাদৰ ৰাজীৱ গান্ধী আন্তঃৰাষ্ট্ৰীয় বিমানবন্দৰত উপস্থিত হয় বিমান দুখন ।

নিউজ ডেস্ক, 21 মে': বুধবাৰে এয়াৰ ইণ্ডিয়াৰ দুখন পৃথক বিশেষ বিমানে কাটাৰৰ দোহা আৰু চৌদি আৰবৰ দামনৰ পৰা 263 জন গৰাকী যাত্ৰী কঢ়িয়াই ভাৰতত উপস্থিত হয় । ৰাজীৱ গান্ধী আন্তঃৰাষ্ট্ৰীয় বিমান বন্দৰত নিশা উপস্থিত হয় বিমান দুখন ।

বন্দে ভাৰত অভিযানৰ দ্বিতীয় পৰ্যায়ৰ অংশ হিচাপে এয়াৰ ইণ্ডিয়াৰ বিমানে দেশ দুখনত আবদ্ধ হৈ থকা লোকসকলক উদ্ধাৰ কৰি ভাৰতলৈ আনে ৷ এয়াৰ ইণ্ডিয়া এক্সপ্ৰেছ IX-244 বিমানখনে দোহাৰ পৰা আহি ভাৰতত নিশা 7.26 বজাত উপস্থিত হয় । বিমানখনত 184 গৰাকী যাত্ৰী আছিল । আনহাতে, এয়াৰ ইণ্ডিয়াৰ AI 1910 বিমানখনে দামন (চৌদি আৰব)ৰ পৰা 79 গৰাকী যাত্ৰী লৈ ভাৰতত উপস্থিত হয় ।

লোকসকল ভাৰতত উপস্থিত হোৱাৰ পাচত 20-25 জনীয়া গ্ৰুপত বিমান বন্দৰৰ ভিতৰলৈ আনে আৰু থাৰ্মে স্ক্ৰিনিং কৰে । তাৰ পাচত স্বাস্থ্য বিভাগৰ আনুষ্ঠানিকতা সমূহ পালন কৰি 14 দিনৰ কোৱাৰেন্টাইনৰ ব্যৱস্থা কৰে প্ৰশাসনে ।