তীব্ৰবেগী বাহনৰ মুখামুখি সংঘৰ্ষঃ শিহৰণকাৰী দৃশ্য ভাইৰেল

চিচিটিভি কেমেৰাত বন্দী শিহৰণকাৰী দৃশ্যাংশ

নিউজ ডেস্ক, ১ মাৰ্চঃ এক শিহৰণকাৰী দৃশ্য যি দৃশ্য প্ৰত্যক্ষ কৰিলে আপোনাৰ গাৰ নোমশিয়ৰি উঠিব । চিচিটিভি কেমেৰাত বন্দী হোৱা এই দৃশ্যাংশত দেখিবলৈ পোৱা গৈছে পথ দুৰ্ঘটনাৰ এক শিহৰণকাৰী দৃশ্যাংশ ।

এই ঘটনা সংঘটিত হয় তামিলনাডুত । তামিলনাডুৰ কইম্বাটোৰ চহৰৰ এক ব্যস্ত ৰাজপথত দেখিবলৈ পোৱা দৃশ্যাংশত এখন তীব্ৰবেগী বাহনৰ ক্ষেত্ৰত সংঘটিত হয় এই ভয়ংকৰ ঘটনাটো । তীব্ৰবেগত আহি থকা TN 66 B 8181 নম্বৰৰ এখন ছুইফট ডিজায়াৰে প্ৰথমে নিয়ন্ত্ৰণ হেৰুৱাই ডিভাইদাৰত খুন্দা মাৰে । ডিভাইদাৰত খুন্দা মাৰি ছুইফট ডিজায়াৰখনে লুটি খাই বিপৰীত দিশেৰে আহি থকা আন এখন চাৰিচকীয়া বাহনত খুন্দা মাৰে ।

সমগ্ৰ ঘটনাটো ইমানেই শিহৰণকাৰী আছিল যে, চিচিটিভি কেমেৰাত এই দৃশ্যাংশ বন্দী নহ'লে ইয়াক বিশ্বাস কৰাটোৱে টান আছিল । দুয়োখন বাহনৰ সংঘৰ্ষৰ সময়ত সমগ্ৰ অঞ্চলটো ধোৱাময় হৈ পৰাৰ লগতে দুয়োখন বাহনে বেয়াকৈ ক্ষতিগ্ৰস্থ হয় । অৱশ্যে আশ্বৰ্য্য়জনকভাৱে ঘটনাটোৰ ফলত কোনো লোকৰে ক্ষতিসাধন হোৱা নাই ।