নতুন দিল্লীৰ বিমানবন্দৰত হেৰ’ইনসহ আটক দুই বিদেশী নাগৰিক

শনিবাৰে নতুন দিল্লীৰ ইণ্ডিৰা গান্ধী আন্তৰ্জাতিক বিমানবন্দৰত দুজন জম্বিয়া দেশৰ লোকক আটক কৰি দুয়োজনৰে পৰা 22 কোটি টকা মূল্যৰ প্ৰায় 5.35 কেজি হেৰ’ইন জব্দ কৰা হয় ৷ নাৰ্কোটিকছ কণ্ট্ৰোল ব্যুৰ’ৱে জব্দ কৰে সামগ্ৰীখিনি ৷

নেশ্যনেল ডেস্ক,3 জানুৱাৰী : নতুন দিল্লীৰ ইণ্ডিৰা গান্ধী আন্তৰ্জাতিক বিমানবন্দৰত শনিবাৰে 22 কোটি টকা মূল্যৰ হেৰ’ইনসহ দুজন বিদেশী লোকক আটক কৰে নাৰ্কোটিকছ কণ্ট্ৰোল ব্যুৰ’ৱে ৷ অভিযুক্ত লোক দুজন মূলপাই জচুয়া আৰু মেমবে উইলিয়াম আৰু দুয়োজন জম্বিয়া দেশৰ বুলি চিনাক্ত কৰা হৈছে ৷

এনচিবি বিষয়াই জনোৱা মতে, অভিযুক্ত দুজনক পুৱাৰ ভাগত ইণ্ডিৰা গান্ধী আন্তৰ্জাতিক বিমানবন্দৰৰ টাৰ্মিনেল-3ৰ ফ’ৰকোৰ্টৰ পৰা প্ৰস্থান কৰাৰ সময়ত আটক কৰা হয় ৷ দুয়োজনে ডুবাইৰ পৰা অৱতৰণ কৰিছিল ৷

নিৰাপত্তা পৰীক্ষাৰ সময়ত অভিযুক্ত দুজনৰ পৰা 22 কোটি টকা মূল্যৰ প্ৰায় 5.35 কেজি হেৰ’ইন জব্দ কৰা হয় । ঘটনাৰ পৰৱৰ্তী তদন্তৰ বাবে দুয়োকে শুল্ক বিভাগীয় কৰ্তৃপক্ষৰ হাতত গতাই দিয়া বুলি এনচিবিয়ে সদৰি কৰে ৷

লগতে পঢ়ক :সোমবাৰে গুজৰাট ভ্ৰমণ কৰিব জে পি নাড্ডাই