মুম্বাই,10 নৱেম্বৰ:বলীউডৰ অভিনেতা টাইগাৰ শ্ৰফে নিজৰ পৰৱৰ্তী চিনেমা গণপতিৰ পোষ্টাৰ মঙলবাৰে মুকলি কৰে ৷ এক্সন, থ্ৰিলাৰৰে ভৰপুৰ গণপতিৰ প্ৰথম লুক মুকলি কৰি অভিনেতাগৰাকীয়ে চিনেমাখন পৰিয়ালৰ সকলোৰে উপভোগ্য হ’ব বুলি ঘোষণা কৰে ৷ ৱাৰ বয় হিচাপে খ্যাত শ্ৰফে টুইটাৰযোগে এই পোষ্টাৰ মুকলি কৰে ৷ পোষ্টাৰখনত অভিনেতাগৰাকীক কুল লুকত দেখা গৈছে ৷
পোষ্টাৰখনৰ সৈতে বাঘী বয়ে "য়াৰো কা য়াৰ হু, দুশ্মনো কা বাপ হু" বুলি হেশ্ব টেগ দি #গণপতিৰপ্ৰথমলুক বুলি টুইটাৰত প্ৰকাশ কৰে ৷ এই ছবিখন হলীউডৰ ছবিৰ সৈতে প্ৰত্যাহ্বান আগবঢ়াব পৰাকৈ নিৰ্মাণ কৰা হৈছে ৷ এই ছবিখন পূজা এণ্টাৰটেইনমেণ্টৰ প্ৰথমখন আউটডৰ ছবি ৷ যাৰ সহ নিৰ্মাতা গুড কোম্পানী ৷ এই ছবিখনত অভিনেতাগৰাকীক সম্পূৰ্ণ পৃথক ভংগীমাত দেখা যাব ৷