নিউজ ডেস্ক, ২২ জুন :তণ্ডোবা আৰ্ধাৰী ৰিজাৰ্ভৰ লগতে ওচৰৰ এলেকাত সন্ত্ৰাস চলাই পাঁচ জন লোকক হত্যা কৰা বাঘটোক অৱশেষত ১০ জুনত বন বিভাগে কৰায়ত্ব কৰিবলৈ সক্ষম হয় ।
এগৰাকী বন বিষয়াই জনোৱা অনুসৰি, নাগপুৰৰ পৰা প্ৰায় ১৪০ কিলোমিটাৰ আঁতৰৰ চন্দ্ৰপুৰ জিলাৰ কালাৰা বন বিভাগৰ অধীনৰ কালাৰা, বামগাঁও আৰু চতনা গাঁৱত পাঁচজন লোকক হত্যা কৰিছিল বাঘটোৱে ।
উক্ত ঘটনাৰ পিচতে মহাৰাষ্ট্ৰৰ বন বিভাগে ৮ জুনত বাঘটোক কৰায়ত্ব কৰিবলৈ নিৰ্দেশ প্ৰদান কৰিছিল । বন বিভাগৰ নিৰ্দেশৰ পিচতে ১০ জুনত বাঘটোক কৰায়ত্ব কৰিবলৈ সক্ষম হৈছিল আৰু ১১ জুনত নাগপুৰৰ গোৰেবাণ্ডা ৰেচকিউ চেন্টাৰলৈ বাঘটোক স্থানান্তৰিত কৰা হৈছিল ।
লগতে পঢ়ক : 150 বিলিয়ন ডলাৰ বজাৰ মূল্যত প্ৰৱেশ কৰা প্ৰথম ভাৰতীয় কোম্পানীৰ তালিকাত ৰিলায়েঞ্চ ইণ্ডাষ্ট্ৰিজ