কিশোৰীক যৌন নিৰ্যাতন চলোৱাৰ অপৰাধত আটক দুই নাবালক

কেইদিনমান পূৰ্বে ভাৰাঘৰৰ মালিকৰ ঘৰত টিভি চাবলৈ গৈছিল কিশোৰীগৰাকী ৷ ঘৰটোত সোমাই যাওঁতেই তাই দুজন ল'ৰাই ম'বাইলত অশ্লীল ভিডিঅ' চাই থকা প্ৰত্যক্ষ কৰে ৷ পাচত ল'ৰা দুটাই কিশোৰীগৰাকীক পিচা কৰে আৰু তাইৰ কোঠাত প্ৰৱেশ কৰি কেইবা বাৰো উপৰ্যুপৰি যৌন নিৰ্যাতন চলায় ৷

নিউজ ডেস্ক, 22 জুন :কিশোৰীক যৌন নিৰ্যাতন চলোৱাৰ অপৰাধত তামিলনাডুত দুগৰাকী নাবালকক আটক ৷ ঘটনাত জড়িত তৃতীয়গৰাকী অভিযুক্ত বৰ্তমানেও পলাতক ৷ কোইম্বাটুৰত সংঘটিত হৈছে এই ঘটনা ৷ সুন্দৰপুৰমত নিজৰ পিতৃৰ সৈতে এটা ভাৰাঘৰত বাস কৰে কিশোৰীগৰাকীয়ে ৷ কেইদিনমান পূৰ্বে ভাৰাঘৰৰ মালিকৰ ঘৰত টিভি চাবলৈ গৈছিল কিশোৰীগৰাকী ৷ ঘৰটোত সোমাই যাওঁতেই তাই দুজন ল'ৰাই ম'বাইলত অশ্লীল ভিডিঅ' চাই থকা প্ৰত্যক্ষ কৰে ৷ তাই লগে লগে তাৰ পৰা ঘৰলৈ গুচি আহে ৷

কিশোৰীক যৌন নিৰ্যাতন চলোৱাৰ অপৰাধত আটক দুই নাবালক

পাচত ল'ৰা দুটাই কিশোৰীগৰাকীক পিচা কৰে আৰু তাইৰ কোঠাত প্ৰৱেশ কৰি কেইবা বাৰো উপৰ্যুপৰি যৌন নিৰ্যাতন চলায় ৷ তিনি অভিযুক্তই কিশোৰীগৰাকীক সিহঁতৰ ফোনত অশ্লীল ভিডিঅ' চাবলৈ জোৰ কৰে আৰু পিচৰ সপ্তাহো অনুৰূপ ধৰণে যৌন নিৰ্যাতন চলায় ৷

ঘটনাৰ কেইদিনমান পাচত কিশোৰীগৰাকীয়ে পেটৰ বিষৰ সমস্যাত ভোগাত চিকিৎসালয়লৈ লৈ যোৱা হয় ৷ চিকিৎসকৰ আগত সকলো ঘটনা বিবৰি কয় কিশোৰীগৰাকীয়ে ৷ ভুক্তভোগীৰ ভাষ্যৰ ভিত্তিত চিকিৎসকে স্থানীয় আৰক্ষী থানাত এটা গোচৰ দাখিল কৰে ৷ তিনি অভিযুক্তৰ বিৰুদ্ধে পচক' আইনৰ 5 আৰু 6 ধাৰাত গোচৰ ৰুজু কৰা হৈছে ৷ আৰক্ষীয়ে ইতিমধ্যে দুজনক আটক কৰিছে আৰু পলাতক অভিযুক্তৰ বিৰুদ্ধে অভিযান অব্যাহত ৰাখিছে ৷

লগতে পঢ়ক :তেলেংগানাত আত্মহত্যা কৃষকৰ