চেন্নাইত একেটা পৰিয়ালৰে তিনিগৰাকীক মৃত অৱস্থাত উদ্ধাৰ

নিহত লোককেইজন তালি চান্দ,তেওঁৰ পত্নী পুষ্পা বাই আৰু সন্তান শীতল বুলি চিনাক্ত হৈছে ৷ ৰাজস্থানৰ পৰা চেন্নাইলৈ আহিছিল পৰিয়ালটো ৷

নিউজ ডেস্ক,12 নৱেম্বৰ :চেন্নাইৰ বিনায়গা পথস্থিত এটি বাসগৃহত তিনিগৰাকীকৈ লোকৰ মৃতদেহ উদ্ধাৰ হয় ৷ একেটা পৰিয়ালৰে তিনিওগৰাকী ব্যক্তি ৰহস্যজনকভাৱে মৃত অৱস্থাত উদ্ধাৰ হয় ৷

মৃত লোককেইজন তালি চান্দ,তেওঁৰ পত্নী পুষ্পা বাই আৰু সন্তান শীতল বুলি চিনাক্ত হৈছে ৷ লক ডাউনৰ সময়ত ৰাজস্থানৰ পৰা চেন্নাইলৈ আহিছিল পৰিয়ালটো ৷ চেন্নাইত এখন অৰ্থনৈতিক ফাৰ্ম চলাই আছিল তালি চান্দে ৷

11 নৱেম্বৰত তালি চান্দৰ কন্যা পিংকীয়ে দেউতাকৰ ঘৰলৈ আহি দেউতাকৰ লগতে মাতৃ আৰু ভাতৃক মৃত অৱস্থাত প্ৰত্যক্ষ কৰে ৷ পৰৱৰ্তী সময়ত ঘটনা সন্দৰ্ভত আৰক্ষীক অৱগত কৰে কন্যা পিংকীয়ে ৷ ঘটনা সন্দৰ্ভত স্থানীয় আৰক্ষী চকীত এজাহাৰ ৰুজু কৰিছে আৰক্ষীয়ে ৷

লগতে পঢ়ক :প্ৰাক্তন মুখ্যমন্ত্ৰী তৰুণ গগৈৰ আশু আৰোগ্য কামনাৰে বন্তি প্ৰজ্বলন