তেলেংগানাৰ জোগুলম্বা গাদওয়ালত সন্ধানহীন মহিলা

তেলেংগানাৰ জোগুলম্বা গাদওয়ালত শনিবাৰে পানীৰ সোঁতত উটি যায় এগাৰকী মহিলা । এখন গাড়ীত হায়দৰাবাদ অভিমূখে গৈ থকা অৱস্থাতে গাড়ীসহ উটি যায় মহিলা গৰাকী । আনহাতে, গাড়ীখনৰ পৰা আন দুজন ব্যক্তিক উদ্ধাৰ কৰে বুলি জানিবলৈ দিয়ে আৰক্ষীয়ে ।

নিউজ ডেস্ক, ২৬ জুলাইঃতেলেংগানাৰ জোগুলম্বা গাদওয়াল জিলাৰ কলুগোতলা গাঁৱত সন্ধানহীন এগৰাকী ৩৬ বছৰীয়া মহিলা । শনিবাৰে গাড়ীত গৈ থকা অৱস্থাতে প্ৰবাহিত পানীৰ সোতে গাড়ীখন উটুৱাই লৈ যোৱাৰ সময়ৰ পৰাই মহিলা গৰাকী সন্ধানহীন হৈ আছে বুলি জানিবলৈ দিয়ে আৰক্ষীয়ে । আনহাতে, একেখন গাড়ীৰ পৰা অন্য দুগৰাকী ব্যক্তি উদ্ধাৰ কৰিবলৈ সক্ষম হয় বুলিও জানিবলৈ দিয়ে আৰক্ষীয়ে ।

ঘটনা সন্দৰ্ভত এজন আৰক্ষী বিষয়া কয় যে, হায়দৰাবাদ অভিমূখে গৈ থকা অৱস্থাতে এখন গাড়ী জোগুলম্বা গাদওয়াল জিলাৰ কলুগোতলা গাঁৱত পানীৰ সোঁতে উটুৱাই নিয়ে । গাড়ী চালকে পানীৰ সোঁতৰ দিশ বুজি নোপোৱাৰ বাবেই এই ঘটনা সংঘটিত হয় বুলি জানিবলৈ দিয়ে আৰক্ষীয়ে । আনহাতে, উটি যোৱা দুগৰাকী ব্যক্তিক জীৱন্তে উদ্ধাৰ কৰিবলৈ সক্ষম হয় যদিও সিন্ধু ৰেড্ডী নামৰ এগৰাকী মহিলা বৰ্তমানেও নিখোজ হৈ আছে । আৰক্ষী আৰু ১০ গৰাকী ডুবাৰুৰ সহায়ত মহিলা গৰাকীৰ সন্ধান চলোৱা হৈছে যদিও বৰ্তমান পৰ্যন্ত সন্ধান লাভ কৰা নাই মহিলা গৰাকীৰ ।