হায়দৰাবাদত তিনি ড্ৰাগছ সৰবৰাহকাৰীসহ তিনিলাখ টকাৰ ড্ৰাগছ জব্দ

বৃহস্পতিবাৰে হায়দৰাবাদ আৰক্ষীয়ে তিনিলাখ টকাৰ ড্ৰাগছসহ তিনিজন ড্ৰাগছ সৰবৰাহকাৰীক আটক কৰে ৷ হায়দৰাবাদৰ বহু কেইটা ফ্লেটত অবৈধভাৱে জমা কৰি ৰখা অৱস্থাত বৃহৎ পৰিমাণৰ নাৰ্কটিক ড্ৰাগছসহ সৰবৰাহকাৰী কেইজনক আটক কৰে ৷

হায়দৰাবাদ,1 জানুৱাৰী : হায়দৰাবাদ আৰক্ষীয়ে বৃহস্পতিবাৰে তিনিজন ড্ৰাগছ সৰবৰাহকাৰী আটক কৰাৰ লগতে আৰু তিনিলাখ টকাৰ ড্ৰাগছ জব্দ কৰে।এক চৰকাৰী বিবৃতি অনুসৰি, কমিছনাৰৰ টাস্ক ফ'ৰ্চ, ৱেষ্ট জ'ন আৰু হায়দৰাবাদ আৰক্ষীয়ে নিখিল শেনয়,ফৈজ মেৱতী আৰু মেৰোজ খান নামৰ তিনি ড্ৰাগছ সৰবৰাহকাৰীক আটক কৰে ৷ সৰবৰাহকাৰী কেইজনে বহু কেইটা ফ্লেটত অবৈধভাৱে বৃহৎ পৰিমাণৰ নাৰ্কটিক ড্ৰাগছ জমা কৰি ৰাখিছিল ৷

আৰক্ষীয়ে তিনিওজনৰ পৰা তিনিটা মোৱাইলৰ সৈতে 10 গ্ৰাম এমডিএমএ,70 এলএছডি ব্লটচ জব্দ কৰে ৷ সম্প্ৰতি আৰক্ষীয়ে জব্দ কৰা সামগ্ৰীসহ অভিযুক্তকেইজনক তদন্তৰ বাবে হায়দৰাবাদৰ তুকাৰামগেট আৰক্ষী থানাক গতাই দিয়ে ৷

লগতে পঢ়ক:বলুকা ভাস্কৰ্যৰে দেশবাসীক নৱবৰ্ষৰ শুভেচ্ছা সুদৰ্শন পাটনায়কৰ