টেলেংগনা বিজেপিৰ সভাপতিয়ে ভংগ কৰিলে সামাজিক দূৰত্ব

বিজেপিৰ সভাপতি বান্দি সঞ্জয় কুমাৰে সমৰ্থক সকলৰ সৈতে ৰংগা ৰেড্ডী জিলাৰ ক'হিদা গাঁৱৰ ফলৰ বজাৰ পৰ্যবেক্ষণ কৰিবলৈ যোৱা ভিডিঅ'ত দেখা গৈছিল সামাজিক দূৰত্ব উলংঘা কৰাৰ দৃশ্য ।

নিউজ ডেস্ক, 5 মে':তেলাংগানাৰ বিজেপি সভাপতি বান্দি সঞ্জয় কুমাৰে ভংগ কৰিছে সামাজিক দূৰত্বৰ নিয়ম । সোমবাৰে তেওঁ সমৰ্থক সকলৰ সৈতে ৰংগা ৰেড্ডী জিলাৰ ক'হিদা গাঁৱত বৰষুণৰ ফলত ভাগি পৰা ফলৰ বজাৰ পৰিদৰ্শনৰ বাবে যায় ।

তাৰেই ভিডিঅ' এটাত দেখা গৈছে যে, কৰ'ণা ভাইৰাছৰ সংক্ৰমণ ৰোধৰ বাবে মানি চলিব লগা কোনো নীতি-নিৰ্দেশনা মানি চলা নাছিল সভাপতি গৰাকীৰ লগতে তেওঁৰ সমৰ্থক সকলে ৷

আনকি সেই সময়ত ঘটনাস্থলীত উপস্থিত থকা আৰক্ষীয়েও এই ক্ষেত্ৰত লোৱা নাছিল কোনো ব্যৱস্থা ।

উল্লেখ্য যে, সোমবাৰে ৰাজ্যখনত 3 টা COVID -19 ৰ কেচ পোৱা গৈছে আৰু এই মহামাৰীত আক্ৰান্তৰ সংখ্যা 1085 লৈ বৃদ্ধি হৈছে । উল্লেখ্য যে, ৰাংগা ৰেড্ডী জিলাখনৰ কেবাটাও স্থানক "ৰেড জ'ন" এলেকা হিছাপে চিনাক্ত কৰা হৈছে ।