ৰিয়া হত্যাকাৰী, ৰিয়াই মোৰ পুত্ৰক বিহপান কৰাইছিল:সুশান্তৰ পিতৃ

সুশান্ত সিং ৰাজপুতৰ চৰ্চিত প্ৰেমিকা ৰিয়া চক্ৰৱৰ্তীক হত্যাকাৰী আখ্যা দিলে সুশান্তৰ পিতৃ কে.কে সিঙে । ৰিয়াই মোৰ পুত্ৰক বিহপান কৰাইছিল, আৰু হত্যা কৰাইছিল বুলি উল্লেখ কৰিছে সুশান্তৰ পিতৃয়ে ।

নেশ্যনেল ডেস্ক,২৭আগষ্টঃ ৰিয়া চক্ৰৱৰ্তীৰ বিৰুদ্ধে বিস্ফোৰক অভিযোগ সুশান্ত সিং ৰাজপুতৰ পিতৃ কে.কে সিঙৰ। ৰিয়াই সুশান্তক দীৰ্ঘদিন ধৰি বিহপান কৰাই আহিছিল বুলি গুৰুতৰ অভিযোগ উত্থাপন কৰিছে সুশান্তৰ পিতৃয়ে। কে.কে সিঙৰ ১৫ছেকেণ্ডৰ এটা ভিডিঅ' এতিয়া ছ'চিয়েল মিডিয়াত ভাইৰেল হৈ পৰিছে । ভিডিঅ'টোত ৰিয়াক সুশান্তৰ হত্যাকাৰী আখ্যা দি শীঘ্ৰে গ্ৰেপ্তাৰ কৰিবলৈ CBIক দাবী জনাইছে সুশান্তৰ পিতৃয়ে । এইক্ষেত্ৰত ৰিয়াক সহযোগ কৰা লোকসকলকো গ্ৰেপ্তাৰৰ দাবী জনাইছে । ড্ৰাগছ সৰবৰাহকাৰীৰে ৰিয়াৰ সম্পৰ্ক থকাৰ কিছু সন্দেহজনক তথ্য পোহৰলৈ অহাৰ পিছতে সুশান্তৰ পিতৃয়ে এই ভিডিঅ'টোত ৰিয়াৰ বিৰুদ্ধে গুৰুতৰ অভিযোগ উত্থাপন কৰিছে। ইতিমধ্যে ৰিয়াৰ কেতবোৰ সন্দেহজনক ৱাটছএপ বাৰ্তালাপৰ তথ্য এনফ'ৰ্চমেণ্ট ডাইৰেক্ট'ৰেটে CBIক দিছে, য'ত ড্ৰাগছৰ বিষয়ে কথা পাতিছিল ৰিয়াই।