মাৰাত্মক ৰোগৰ কাৰক হ'ব পাৰে সৌন্দৰ্য প্ৰসাধনৰ ছুপাৰবেগে

এষ্টন বিশ্ববিদ্যালয়ৰ এপ্লাইড মাইক্ৰ’বায়ল’জিৰ এখন গৱেষণামুলক জাৰ্ণালৰ পৰা গম পোৱা গৈছে যে সৌন্দৰ্য প্ৰসাধন সামগ্ৰী জীৱনৰ বাবে মাৰাত্মক হ’ব পাৰে ৷

নিউজ ডেস্ক, 3 ডিচেম্বৰঃ সৌন্দৰ্য প্ৰসাধন সামগ্ৰী কাজল, লিপ-গ্লোচ জাতীয় প্ৰসাধন কঢ়িওৱা বেগে জীৱনৰ বাবে মাৰাত্মক হ’ব পাৰে বুলি এষ্টন বিশ্ববিদ্যালয়ৰ এপ্লাইড মাইক্ৰ’বায়ল’জিৰ এখন গৱেষণামুলক জাৰ্ণালৰ পৰা গম পোৱা গৈছে ৷

গ্ৰেট ব্ৰিটেইনত লাখ লাখ মানুহে প্ৰতিদিনে ব্যৱহাৰ কৰা প্ৰসাধনৰ সামগ্ৰীৰ বেগে কঢ়িয়াই E.coli আৰু Staphylococci জাতীয় প্ৰদূষক ৷ কিয়নো অধিকসংখ্যক সামগ্ৰী ম্যাদ উকলাৰ পিচতো ব্যৱহাৰ কৰি থকা পৰিলক্ষিত হয় ৷ ডাঃ অমৰিনৰ নেতৃত্বত নতুন গৱেষণাক বশীৰ আৰু এষ্টন বিশ্ববিদ্যালয়ৰ অন্তৰ্গত স্কুল আফ লাইফ এণ্ড হেল্থ চায়েন্সৰ অধ্যাপক পীটাৰ লোম্বাৰ্টে প্ৰকাশ কৰিছে ৷

ইয়াৰ পৰা উৎপন্ন হোৱা বেক্টেৰিয়াই চালৰ সংক্ৰমণৰ পৰা ৰক্ত বিষাক্ত কৰা পৰ্যন্ত বিভিন্ন বেমাৰৰ কাৰণ হ’ব পাৰে ৷ যদি চকু, মুখ বা নিজৰ কটা অংশত ব্যৱহাৰ কৰা হয় তেতিয়া ইয়াৰ সংক্ৰমণৰ সম্ভাৱনা অধিক ৰূপত দেখা যায় ৷ এই আশংকা ইমিউনোকোম্প্ৰমী মানুহৰ ক্ষেত্ৰত বাঢ়ি যোৱা দেখা যায় ৷

তুলনামুলকভাৱে নতুন প্ৰসাধনযোগ্য সামগ্ৰীৰ ক্ষেত্ৰত তাত ব্যৱহৃত স্পঞ্জৰ দ্বাৰা সৰ্বাধিক বেক্টেৰিয়াৰ উপাদান পায় বুলি গৱেষণা মতে প্ৰমাণ পোৱা গৈছে ৷ কিয়নো এবাৰ ব্যৱহাৰৰ পিচত ব্যৱহৃত স্পঞ্জ টুকুৰা তিতি থকা অৱস্থাতে থৈ দিয়া হয় য’ত বেক্টেৰিয়াৰ প্ৰজননৰ বাবে এক উত্তম কাৰক ৷

গৱেষণাৰ পৰা গম পোৱা যায় যে, ব্যৱহাৰকাৰীসকলে অনাকাংক্ষিতভাৱে নিজক বিপদৰ মাজলৈ ঠেলি দি আছে ৷ গৱেষকসকলে এই ক্ষেত্ৰত অতি শীঘ্ৰেই ব্যৱস্থা লোৱাৰ বাবে আহ্বন জনায় ৷

ইউৰোপিয় সংঘৰ নিৰ্দেশনাত প্ৰসাধন সামগ্ৰী নিৰ্মাণৰ ক্ষেত্ৰত E.Coli জাতীয় প্ৰদূষকৰ পৰা কেনেদৰে হাত সাৰিব পাৰি তাৰ ক্ষেত্ৰত বিশেষ ৰূপত গুৰুত্ব দিয়াৰ বাবে ব্যৱস্থা গ্ৰহণৰ কথা উল্লেখ কৰিছে ৷

নতুন উৎপাদিত সামগ্ৰীৰ ওপৰত মন্তব্য আগবঢ়াই ডাঃ বশীৰে কয় যে, প্ৰসাধনৰ সামগ্ৰীৰ ক্ষেত্ৰত E.Coli বেক্টেৰিয়াৰ পৰীক্ষা কৰাটো অত্যন্ত দৰকাৰী কিয়নো দিনে-প্ৰতিদিনে ইয়াৰ বিষক্ৰিয়াৰ বাবে বিপদৰ মাত্ৰা বৃদ্ধি হৈ আহিছে ৷

প্ৰসাধন সামগ্ৰীৰ ক্ষেত্ৰত থকা এই ভয়াৱহতাৰ বিষয়ে ব্যৱহাৰকাৰী সকলে জানি বা বুজি লোৱাটো উচিত ৷ কিয়নো নিজৰ বাবে কঢ়িয়াই লৈ ফুৰা অনাকাংক্ষিত বিপদৰ পৰা ৰক্ষা পাবলৈ এই বিষয়ে জনাটো অত্যন্ত জৰুৰী ৷

আৰু পঢ়কঃমুম্বাইত ৰাষ্ট্ৰীয় সুৰক্ষা বাহিনীৰ মকড্ৰিল