সুশান্তৰ মৃত্যুৰ তদন্ত প্ৰক্ৰিয়াৰ শেহতীয়া খবৰ ...

বৃহস্পতিবাৰে ৰিয়া চক্ৰৱৰ্তীৰ ভাতৃ শৌভিক চক্ৰৱৰ্তী আৰু সিদ্ধাৰ্থ পিথানি চিবিআইৰ দলে বাহৰ পাতি থকা ডি আৰ ডি অ' অতিথিশালাত উপস্থিত হৈছিল আৰু তেওঁলোকক চিবিআইয়ে সোধপোছ কৰিছিল ৷

ছিটাৰা ডেস্ক, 28 আগষ্ট : সুশান্ত সিং ৰাজপুতৰ মৃত্যুৰ ঘটনাৰ তদন্ত কৰি থকা কেন্দ্ৰীয় তদন্তকাৰী সংস্থা(CBI)ৰ দল মুম্বাইৰ সান্তাক্ৰুজস্থিত DRDO অতিথিশালাত উপস্থিত হৈছে ৷

চিবিআইৰ দলে ৰিয়া চক্ৰৱৰ্তীক অতিথিশালাটোত সোধপোচ অব্যাহত ৰাখিছে ৷ ৰিয়াই নিজৰ সহযোগী চেমুৱেল মিৰাণ্ডাৰ সৈতে আহি ডি আই ডি অ' অতিথিশালাত উপস্থিত হৈছে ৷

ইয়াৰ পূৰ্বে বৃহস্পতিবাৰে ৰিয়া চক্ৰৱৰ্তীৰ ককায়েক শৌভিক চক্ৰৱৰ্তী আৰু সিদ্ধাৰ্থ পিথানি চি বি আইৰ দলে বাহৰ পাতি থকা ডি আৰ ডি অ' অতিথিশালাত উপস্থিত হৈছিল আৰু তেওঁলোকক চিবিআইয়ে সোধপোছ কৰিছিল ৷

বিগত দিনত অভিনেতা সুশান্ত সিং ৰাজপুতক আত্মহত্যাৰ বাবে উচতনি যোগোৱাৰ অভিযোগত অভিযুক্ত অভিনেত্ৰী ৰিয়া চক্ৰৱৰ্তীৰ সান্তাক্ৰুজস্থিত আৱাসত বৃহস্পতিবাৰে মুম্বাই আৰক্ষীৰ এটা দল উপস্থিত হয় ৷

যাৰ পাছতে ED য়ে সোধপোছ কৰাৰ বাবে ৰিয়াৰ পিতৃক তেওঁলোকৰ সৈতে লৈ যায় ৷ ৰিয়াৰ অনুৰোধতে আৰক্ষীৰ দল ৰিয়াৰ বাসগৃহত উপস্থিত হৈছিল ৷

লগতে পঢ়ক : বিশ্ববিদ্যালয়ৰ চূড়ান্ত বৰ্ষৰ পৰীক্ষা নিদিয়াকৈ উত্তীৰ্ণ হ'ব নোৱাৰে শিক্ষাৰ্থী : উচ্চতম ন্যায়ালয়