নিউজ ডেস্ক, 19 মে': সোমবাৰে এয়াৰ ইণ্ডিয়াৰ বিশেষ বিমানে ওমানৰ মুস্কাতৰ পৰা 166 গৰাকী যাত্ৰী কঢ়িয়াই ভাৰতত উপস্থিত হয় । ৰাজীৱ গান্ধী আন্তঃৰাষ্ট্ৰীয় বিমান বন্দৰত নিশা উপস্থিত হয় বিমানখন ।
বন্দে ভাৰত অভিযানৰ অংশ হিচাপে এয়াৰ ইণ্ডিয়াৰ বিমানখনে ওমানত আবদ্ধ লোক সকলক উদ্ধাৰ কৰি হায়দৰাবাদত উপস্থিত হয় ।
লোক সকল ভাৰতত উপস্থিত হোৱাৰ পাচত স্ক্ৰিনিং কৰি 14 দিনৰ কোৱাৰেন্টাইনৰ ব্যৱস্থা কৰিছে প্ৰশাসনে । প্ৰশাসনে TSRTC ৰ সহায়ত এই লোক সকলত নিৰ্ধাৰিত হোটেল বা কোৱাৰেন্টাইন কেন্দ্ৰলৈ লৈ যায় ।
আনহাতে দেওবাৰে আন এখন বিমানে 183 গৰাকী যাত্ৰী ওমানৰ পৰা কেৰালালৈ আনিছিল । ইফালে পৰৱৰ্তী 20, 21, 22 আৰু 23 মে' তাৰিখেও ওমানৰ পৰা ভাৰতীয় লোকক উদ্ধাৰ কৰি বেংগালুৰু, কালিকাট, দিল্লী, কান্নুৰ, কোচি আৰু গঞালৈ এয়াৰ ইণ্ডিয়াৰ বিশেষ বিমান চলিব ।
এই উদ্ধাৰ অভিযান সমূহ বন্দে ভাৰত অভিযানৰ দ্বিতীয় পৰ্যায়ৰ অন্তৰ্গত । এই অভিযানত 40 খন দেশৰ পৰা আবদ্ধ হৈ থকা ভাৰতীয়ক উদ্ধাৰ কৰি 149 খন বিমানেৰে ভাৰতলৈ অনা হ'ব ।