মুম্বাই, 31 মে’: মহাৰাষ্ট্ৰৰ ৰাজ্যপাল ভগত সিং কোশিয়াৰীক শনিবাৰে সাক্ষাৎ কৰে অভিনেতা চনু সুদে ৷ বিশিষ্ট অভিনেতাগৰাকীক ৰাজভৱনলৈ আমন্ত্ৰণ জনায় ৰাজ্যপালগৰাকীয়ে ৷ অভিনেতাগৰাকীয়ে লকডাউনৰ ফলত আৱদ্ধ শ্ৰমিকসকলক ঘৰলৈ ঘূৰাই পঠিওৱাৰ ক্ষেত্ৰত গ্ৰহণ কৰা সিদ্ধান্তৰ উচ্চ প্ৰশংসা কৰে ৰাজ্যপাল কোশিয়াৰীয়ে ৷ অভিনেতাগৰাকীক এই বিষয়ত সম্পূৰ্ণ সহযোগিতাৰ আশ্বাস প্ৰদান কৰে ৰাজ্যপালগৰাকীয়ে ৷ মহাৰাষ্ট্ৰৰ ৰাজ্যপালগৰাকীয়ে অভিনেতাগৰাকীৰে হোৱা এই বাৰ্তালাপৰ বিষয়ে টুইটযোগে প্ৰকাশ কৰে ৷
উল্লেখ্য যে, ভগত সিঙৰ লগতে চনু সুদৰ আলোকচিত্ৰৰ শ্বেয়াৰ কৰি ৰাজ্যপালগৰাকীয়ে টুইটটোত প্ৰকাশ কৰে এনেদৰে- অভিনেতা চনু সুদে আজি মুম্বাইস্থিত ৰাজভৱনলৈ ফোনযোগে যোগাযোগ কৰে ৷ সুদে আৱদ্ধ শ্ৰমিকসকলক ঘৰলৈ উভোটাই পঠিওৱাৰ বাবে যি ব্যৱস্থা গ্ৰহণ কৰিছে সঁচাকৈ প্ৰশংসাৰ যোগ্য ৷ ইয়াৰ বাবে আমাৰ তৰফৰ পৰা সম্পূৰ্ণ সহযোগিতা আগবঢ়োৱা হ’ব ৷