প্ৰসংগ পিএনবিঃ চিংগাপুৰ বেংকত থকা নীৰৱ মোডীৰ সকলো বেংক একাউন্ট বন্ধৰ নিৰ্দেশ

নিৰৱ মোডী আৰু তেওঁৰ পৰিয়ালৰ চিংগাপুৰৰ বেংকত থকা সকলো বেংক একাউন্ট বন্ধ কৰিবলৈ নিৰ্দেশ চিংগাপুৰ উচ্চ ন্যায়ালয়ৰ

দিল্লী, 2 জুলাইঃ দেশ কঁপাই যোৱা পিএনবি কেলেংকাৰীৰ মূল অভিযুক্ত নিৰৱ মোডী আৰু তেওঁৰ পৰিয়ালৰ চিংগাপুৰৰ বেংকত থকা সকলো বেংক একাউন্ট বন্ধ কৰিবলৈ নিৰ্দেশ চিংগাপুৰ উচ্চ ন্যায়ালয়ৰ ৷ মঙলবাৰে ইডিয়ে এক বিবৃতীযোগে প্ৰকাশ কৰে এই কথা ৷

পুৰৱী মোডী আৰু মায়াঙ্ক মোডীৰ তত্বাবধানত পেভিলিয়ন পইণ্ট কৰ্পৰেচনৰ নামত পঞ্জীয়ন থকা একাউন্টটোৰ সকলো লেনদেন বন্ধ কৰিবলৈ নিৰ্দেশ দিয়ে ন্যায়ালয়ে ৷

পাঞ্জাৱ নেশ্যনেল বেংকৰ 13500 কোটি টকীয়া ঋণ কেলেংকাৰীৰ অভিযুক্ত নীৰৱ মোডীৰ এই বিত্তীয় কেলেংকাৰীৰ বিৰুদ্ধে চিবিআইৰ লগতে ইডিয়ে কৰি আছে তদন্ত ৷

আনহাতে, পিএনবি কেলেংকাৰীত অভিযুক্ত হীৰা ব্যৱসায়ী মেহুল চৌক্সীৰ পৰা কেইদিনমান পূৰ্বে এণ্টিগুৱাৰ নাগৰিকত্ব উঠাই লোৱাৰ কথা প্ৰকাশ কৰিছিল এণ্টিগুৱাৰ প্ৰধানমন্ত্ৰী গাষ্টন ব্ৰউনে ৷