অসম

assam

ETV Bharat / bharat

পাঁচ দিনৰ আৰক্ষীৰ জিম্মালৈ ছাৰ্জীল ইমাম

পাঁচ দিনৰ বাবে আৰক্ষীৰ জিম্মাত ছাত্ৰ নেতা ছাৰ্জীল ইমাম ৷ CAA ৰ বিৰোধিতা কৰি ভাইৰেল হোৱা এটা ভিডিঅ' ৰ বাবেই ৰাষ্ট্ৰদ্ৰোহৰ অভিযোগ উত্থাপন হৈছিল বৰ্তমান JUN ৰ গৱেষণাৰ ছাত্ৰ ইমামৰ বিৰুদ্ধে ৷

ছাৰ্জীল ইমাম
পাঁচ দিন বাবে আৰক্ষীৰ জিম্মাত ছাৰ্জীল ইমাম

By

Published : Jan 30, 2020, 11:08 AM IST

নিউজ ডেস্ক, 30 জানুৱাৰীঃ পাঁচ দিনৰ বাবে আৰক্ষীৰ জিম্মালৈ প্ৰেৰণ ছাৰ্জীল ইমামক ৷ 28 জানুৱাৰীত বিহাৰৰ জহানাৱাদ পৰা গ্ৰেপ্তাৰ কৰা ইমামক বুধবাৰে অৰ্থাৎ 29 জানুৱাৰীত পাঁচ দিনৰ বাবে আৰক্ষীৰ জিম্মালৈ প্ৰেৰণ কৰা হয় বুলি মন্তব্য কৰে আৰক্ষী আয়ুক্ত (অপৰাধ শাখা) ৰাজেশ দেবে ৷ ঘটনা সন্দৰ্ভত সোধপোছৰ বাবে আৰক্ষীয়ে পাঁচ দিনৰ জিম্মাত লয় বুলি সদৰি কৰে আয়ুক্ত গৰাকীয়ে ৷

আনহাতে, আন এগৰাকী আৰক্ষী বিষয়াৰ মন্তব্য অনুসৰি, ছাৰ্জীল ইমাম আৰক্ষীৰ জিম্মাত থকা সময়ত কৰা মন্তব্যৰ ভিত্তিতে আৰক্ষীয়ে সমগ্ৰ ঘটনা সন্দৰ্ভত অনুসন্ধান চলাব ৷

উল্লেখ্য যে, CAA ৰ বিৰোধিতাৰে আলিগড় জামিয়া-মিলিয়া বিশ্ববিদ্যালয়ত বিতৰ্কিত মন্তব্য কৰি চৰকাৰ তথা ৰাইজৰ ৰোষত পৰিছিল ছাত্ৰ নেতা ইমাম ৷ JNU ত বৰ্তমানও অধ্যয়নৰত ইমামৰ এটা ভিডিঅ' ভাইৰেল হোৱা পাচতে ৰাষ্ট্ৰদ্ৰোহৰ উপৰিও আন বহু অভিযোগ উত্থাপিত হৈছিল ছাত্ৰ জনৰ বিৰুদ্ধে ৷


25 জানুৱাৰীত দিল্লী আৰক্ষীয়ে আইপিচি ৰ ধাৰা 124(ৰাষ্ট্ৰদ্ৰোহ) আৰু 153 এ (ধৰ্ম, জাতি জন্ম স্থান, ভাষা, জাতি অথবা ধৰ্মক লৈ আঘাট কৰা ) ৰ অধীনত গোচৰ ৰুজু কৰে ৷ উক্ত গোচৰৰ ভিত্তিতে গ্ৰেপ্তাৰ কৰে ছাৰ্জীল ইমামক ৷

আৰু পঢ়কঃ আলফা স্বাধীনৰ সৈতে আলোচনা: এক জটিল সন্ধিক্ষণ নে সুদিনৰ উদয় !!!

ABOUT THE AUTHOR

...view details