অন্ধ্ৰ প্ৰদেশত ভয়াৱহ দুৰ্ঘটনাত প্ৰাণ গ'ল ৭জনৰ

অন্ধ্ৰ প্ৰদেশত ভয়ংকৰ পথ দুৰ্ঘটনা। পুৱতি নিশা নিয়ন্ত্ৰণ হেৰুৱাই পথৰ দাঁতিত বাগৰিল এখন বাহন। শোকাৱহ দুৰ্ঘটনাত ৭ গৰাকী যাত্ৰী নিহত। এখন বিবাহস্থলীৰ পৰা উভতিছিল বাহনখন।

নেশ্যনেল ডেস্ক, ৩০ অক্টোবৰ: শুক্ৰবাৰে পুৱতি নিশা অন্ধ্ৰপ্ৰদেশৰ তাঁতীকোণ্ডা ঘাট পথত সংঘটিত হয় ভয়াৱহ পথ দুৰ্ঘটনা। ভেংকটেশ্বৰী মন্দিৰৰ সমীপত নিয়ন্ত্ৰণ হেৰুৱাই পাহাৰীয়া পথৰ দাঁতিত থকা চিৰিৰে তললৈ বাগৰি পৰে এখন বাহন।

দুৰ্ঘটনাত থিতাতে মৃত্যু হয় ৭ জন লোকৰ। আহত হয় কেইবাজনো যাত্ৰী। এখন বিবাহস্থলীৰ পৰা উভতি আহি থাকোঁতেই শুক্ৰবাৰে পুৱতি নিশা প্ৰায় ৩.৩০ বজাত গোকাৱৰম মণ্ডলৰ থাকুৰপালেম গাঁৱত এই শোকাৱহ দুৰ্ঘটনা সংঘটিত হয়।

যান্ত্ৰিক বিজুতিৰ ফলতে নিয়ন্ত্ৰণ হেৰুৱায় বাহনখনে। দুৰ্ঘটনাত কেইবাজনো যাত্ৰী আহত হয়। আহত যাত্ৰীসকলক ৰাজামুণ্ডাৰী চৰকাৰী হাস্পতালত ভৰ্তি কৰোৱা হৈছে।

PLEASE CHECK THUMBNAIL IMAGE.

লগতে পঢ়ক:ডাটা সুৰক্ষা বিধেয়ক পেনেলৰ আগত উপস্থিত গুগল, পেটিএমৰ প্ৰতিনিধি