নিউজ ডেস্ক, 5 ছেপ্তেম্বৰঃ ভাৰতীয় মহাকাশ গৱেষণা সংস্থাৰ বিজ্ঞানী তথা চন্দ্ৰযান 1ৰ প্ৰকল্প নিৰ্দেশক ডঃ এম আন্নাধাৰাইৰ সৈতে ইটিভি ভাৰতৰ বিশেষ সাক্ষাৎকাৰ ৷ চন্দ্ৰযান 1ৰ লগতে, চন্দ্ৰযান 2 আৰু মংগলযান সন্দৰ্ভত ভাৰতীয় মহাকাশ গৱেষণা সংস্থাই লাভ কৰা সফলতা সন্দৰ্ভত বিশেষভাৱে বাৰ্তালাপ কৰে দেশৰ প্ৰসিদ্ধ মহাকাশ বিজ্ঞানীগৰাকীয়ে ৷
ভাৰতৰ বাবে চন্দ্ৰযান দ্বিতীয়ই মহাকাশ গৱেষণাত বহুটো নতুন পথৰ সন্ধান দিয়াৰ লগতে, ভাৰতৰ উঠি অহা প্ৰজন্মৰ বাবে ই এক মাইলৰ খুঁটি হিচাপে পৰিগণিত হ'ব বুলি মন্তব্য কৰে ডঃ এম আন্নাধাৰাইয়ে ৷ অনাগত দিনত চন্দ্ৰপৃষ্ঠত অৱতৰণৰ বাবে ভাৰতৰ চন্দ্ৰযান 2ই বিশ্ববাসীক ভাৰতৰ তলত ৰাখিব বুলি তাৎপৰ্যপূৰ্ণ মন্তব্য আগবঢ়ায় বিজ্ঞানীগৰাকীয়ে ৷ যিহেতু চন্দ্ৰযান 2 এক মানৱবিহীন অভিযান, পৰৱৰ্তী সময়ত মানৱ অভিযানৰ বাবেও ই সহায় কৰিব ৷ যিদৰে ভাৰতৰ মংগলযানে অতি কম খৰচতে প্ৰথম প্ৰচেষ্টাতে মংগলগ্ৰহত অৱতৰণ কৰিবলৈ সক্ষম হৈছিল ৷ ঠিক একেদৰেই চন্দ্ৰযান দ্বিতীয়ই সফলতাৰে চন্দ্ৰপৃষ্ঠত অৱতৰণ কৰিবলৈ সক্ষম হ'ব আৰু ভাৰতে এক নতুন ইতিহাসৰ সৃষ্টি কৰিব ৷
