উত্তৰাখণ্ডত ভয়ংকৰ পথ দুৰ্ঘটনাঃ নিহত 9

উত্তৰাখণ্ডৰ টিহৰী গড়ৱালত মঙলবাৰে সংঘটিত হয় এক ভয়ংকৰ পথ দুৰ্ঘটনা ৷ দ' খাৱৈত এখন স্কুলবাছ বাগৰি পৰাৰ ফলত 9গৰাকীকৈ শিক্ষাৰ্থী নিহত হোৱাৰ লগতে আহত হয় বহুকেইগৰাকী শিক্ষাৰ্থী ৷

নিউজ ডেস্ক, 6 আগষ্টঃ উত্তৰাখণ্ডৰ টিহৰী গড়ৱালত মঙলবাৰে সংঘটিত হয় এক ভয়ংকৰ পথ দুৰ্ঘটনা ৷ শিক্ষাৰ্থী কঢ়িয়াই নিয়া এখন বাছেনিয়ন্ত্ৰণ হেৰুৱাই দ' খাৱৈত বাগৰি পৰাৰ ফলতে সংঘটিত হয় দুৰ্ঘটনাটো ৷

দুৰ্ঘটনাটোত ইতিমধ্যে 9গৰাকী শিক্ষাৰ্থীৰ মৃত্যু হয় ৷ আনহাতে গুৰুতৰভাৱে আহত হয় আন 9গৰাকী শিক্ষাৰ্থী ৷ বাছখনত সৰ্বমুঠ 18গৰাকী শিক্ষাৰ্থী আছিল ৷ আহতসকলৰ মাজৰ বহুকেইগৰাকীৰে অৱস্থা সংকটজনক বুলি জানিব পৰা গৈছে ৷ ঘটনাস্থলীত এছডিআৰএফ বাহিনীৰ লোক উপস্থিত হৈ উদ্ধাৰ কাৰ্য অব্যাহত ৰাখিছে ৷