আজি দেশৰ বাবে এটা গুৰুত্বপূৰ্ণ দিন ৷ উচ্চতম ন্যায়ালয়ে দেশৰ দুটাকৈ বিবাদমান বিষয়ৰ ওপৰত আজি প্ৰদান কৰিব ৰায়দান৷ ৰাফেল আৰু সাবৰিমালা মন্দিৰত মহিলাৰ প্ৰৱেশক লৈ ৰায় দিব ন্যায়ালয়ে ৷
36খন ৰাফেল বিমান ক্ৰয় কৰাৰ ক্ষেত্ৰত অনিয়মৰ অভিযোগ আৰু কেৰালাৰ সাবৰিমালা মন্দিৰত মহিলাৰ প্ৰৱেশক লৈ চলা বিৰ্তকৰ ৰায় প্ৰদান কৰিব ন্যায়ালয়ে৷
উল্লেখ্য যে, ইয়াৰ পূৰ্বে উচ্চতম ন্যায়ালয়ে বিগত বৰ্ষৰ চেপ্তেম্বৰ মাহত কেৰালাৰ সাবৰিমালাৰ আয়াপ্পা মন্দিৰত সকলো বয়সৰ মহিলাৰ প্ৰৱেশ মঞ্জুৰ কৰিছিল ৷ কিন্তু কেৰালা চৰকাৰে 10-50 বয়সৰ ভিতৰৰ মহিলাৰ মন্দিৰত প্ৰৱেশৰ ক্ষেত্ৰত নিষেধজ্ঞা আৰোপ কৰিছিল ৷ ইয়াকে লৈ কেৰালাত উত্তপ্ত পৰিস্থিতিৰ সৃষ্টি হৈছিল৷ ৰাফেলক লৈ উত্থাপন হোৱা মূল অভিযোগটো আছিল যে, ফ্ৰান্সৰ পৰা ৰাফেল ক্ৰয় কৰাৰ পূৰ্বৰ চুক্তি অনুসৰি যি দাম সংসদত ঘোষণা কৰা হৈছিল তাতকৈ প্ৰতিখন বিমানৰ দাম প্ৰায় ১,০০০ কোটি টকা বেছি আদায় দিছে মোডী চৰকাৰে।