11 জানুৱাৰীত উচ্চতম ন্যায়ালয়ে গ্ৰহণ কৰিব কৃষক প্ৰতিবাদৰ আবেদনৰ শুনানি

অহা 11 জানুৱাৰীত উচ্চতম ন্যায়ালয়ে গ্ৰহণ কৰিব কেন্দ্ৰীয় চৰকাৰৰ কৃষি আইন আৰু দিল্লী সীমান্তত চলি থকা কৃষক বিদ্ৰোহ সম্বন্ধীয় আবেদনৰ শুনানি ৷ মুখ্য ন্যায়াধীশ এছ এ বোবদেৰ নেতৃত্বত এক বিচাৰপীঠৰ দলে নিৰীক্ষণ কৰি আছে দিল্লী সীমান্তত চলি থকা কৃষক প্ৰতিবাদক ৷

নেশ্যনেল ডেস্ক,6 জানুৱাৰী : কেন্দ্ৰীয় চৰকাৰৰ সংশোধিত কৃষি আইন আৰু দিল্লী সীমান্তত চলি থকা কৃষক প্ৰতিবাদ সম্বন্ধীয় আবেদনৰ শুনানি অহা 11 জানুৱাৰীত গ্ৰহণ কৰিব উচ্চতম ন্যায়ালয়ে ৷ মুখ্য ন্যায়াধীশ এছ এ বোবদেৰ নেতৃত্বত এক বিচাৰপীঠৰ দলে নিৰীক্ষণ কৰি লক্ষ্য কৰিছে যে, কৃষকসকলৰ এই আন্দোলনে কোনো প্ৰত্যক্ষ প্ৰভাৱ পেলোৱা নাই ৷ কিন্তু চৰকাৰে এই ক্ষেত্ৰত প্ৰতিবাদী কৃষক আৰু চৰকাৰৰ মাজত সুস্থ আলোচনাৰ প্ৰক্ৰিয়া চলি থকা বুলি মন্তব্য কৰিছে উচ্চতম ন্যায়ালয়ক ৷

এটৰ্নী জেনেৰেল কে কে বেনুগোপালে কয়, ভৱিষ্যতে দলসমূহে এটি নিৰ্দিষ্ট সিদ্ধান্তত উপস্থিত হ’ব ৷ কিন্তু নতুন কৃষি আইনক প্ৰত্যাহ্বান জনোৱা দলিল সমূহৰ ওপৰত কেন্দ্ৰই প্ৰতিক্ৰিয়া ব্যক্ত কৰিলে অনাগত সময়ত কৃষক সকল আৰু চৰকাৰৰ মাজত আলোচনাৰ প্ৰক্ৰিয়াত বাধাৰ সৃষ্টি হোৱাৰ সম্ভাৱনা আছে ৷

আনহাতে আইনজীৱী তুষাৰ মেহেতাই বিচাৰপীঠক এক সুস্থ বাতাবৰণৰ মাজত চৰকাৰ আৰু কৃষকৰ মাজত আলোচনা চলি থকা বুলি অৱগত কৰে ৷ তেখেতে আৰু কয় এই বিষয়সমূহ 8 জানুৱাৰীৰ শুনানিৰ বাবে তালিকাভুক্ত কৰা উচিত নহয় ৷

ইয়াৰ বিপৰীতে বিচাৰপীঠে কয়,আমি পৰিস্থিতি উপলব্ধি কৰিছো আৰু পৰামৰ্শক সমৰ্থন জনাইছো ৷ যদি আপোনালোকে চলি থকা আলোচনা প্ৰক্ৰিয়া সন্দৰ্ভত তথ্য প্ৰস্তুত কৰিব পাৰে তেন্তে আমি এই শুনানি প্ৰক্ৰিয়া অহা 11 জানুৱাৰীলৈকে পিছুৱাব পাৰো ৷

লগতে পঢ়ক-ভাৰত-বাংলা সীমান্তৰ সুৰংগৰ ঘটনাক গাপ দিয়াৰ চেষ্টা বি এছ এফৰ