দিগ্বিজয় সিঙৰ বিৰুদ্ধে যুঁজিব সাধ্বী প্ৰজ্ঞাই

2008 চনৰ মালেগাঁও বোমা বিস্ফোৰণৰ গোচৰত অভিযুক্ত এইগৰাকী বিতৰ্কিত নেত্ৰী ৷ ইপিনে দিগ্বিজয় সিঙৰ বিৰুদ্ধে নিৰ্দলীয় হৈ নেখেলে বুলি স্পষ্ট কৰি দিছে সাধ্বী প্ৰজ্ঞাই ৷

নিউজ ডেস্ক, 26 মাৰ্চঃ কংগ্ৰেছৰ জ্যেষ্ঠ নেতা দিগ্বিজয় সিঙৰ বিৰুদ্ধে যুঁজিবলৈ আগ্ৰহী কট্টৰ হিন্দুত্ববাদী নেত্ৰী সাধ্বী প্ৰজ্ঞা সিং ঠাকুৰ ৷ দলে ভূপাল লোকসভা সমষ্টিৰ পৰা প্ৰাৰ্থিত্ব প্ৰদান কৰিলে দিগ্বিজয় সিঙৰ সৈতে মৰণপন যুঁজ দিব হেনো ঠাকুৰে ৷

কংগ্ৰেছ নেতাগৰাকীক সমালোচনা কৰি সাধ্বী প্ৰজ্ঞাই কয়-"দিগ্বিজয় এজন হিন্দু বিৰোধী নেতা ৷ তেওঁ হিন্দুসকলক উগ্ৰপন্থী আখ্যা দিয়ে ৷" উল্লেখ্য যে 2008 চনৰ মালেগাঁও বোমা বিস্ফোৰণৰ গোচৰত অভিযুক্ত এইগৰাকী বিতৰ্কিত নেত্ৰী ৷ ভূপাল সংসদীয় সমষ্টিৰ বাবে এতিয়াও বিজেপিয়ে প্ৰাৰ্থী ঘোষণা কৰা নাই যদিও মধ্যপ্ৰদেশৰপ্ৰাক্তন মুখ্যমন্ত্ৰী শিৱৰাজ সিং চৌহানৰ নাম সঘনে উচ্চাৰিত হৈছে ৷ ইপিনে দিগ্বিজয় সিঙৰ বিৰুদ্ধে নিৰ্দলীয় হৈ নেখেলে বুলি স্পষ্ট কৰি দিছে সাধ্বীপ্ৰজ্ঞাই ৷