74সংখ্যক ৰাষ্ট্ৰসংঘৰ সাধাৰণ পৰিষদত ভাৰতঃ বহুপক্ষীয়তাবাৰ ওপৰত বিশ্বাস পুনৰুজ্জ্বীৱিত

প্ৰবন্ধটো লিখিছে অশোক মুখাৰ্জীয়ে ৷ অশোক মুখাৰ্জী হৈছে ভাৰতৰ ৰাষ্ট্ৰদূত তথা ৰাষ্ট্ৰসংঘৰ স্থায়ী প্ৰতিনিধি যিয়ে 2013 চনৰ পৰা 2015 চনলৈ ৰাষ্ট্ৰসংঘত কাম কৰিছিল ৷

তিনি বৰ্ষৰ অন্তৰালত চলিত চেপ্তেম্বৰ মাহত প্ৰধানমন্ত্ৰী নৰেন্দ্ৰ মোডীয়ে ৰাষ্ট্ৰসংঘৰ সাধাৰণ পৰিষদত অংশগ্ৰহণ কৰিব ৷ 2015 চনত মোডীয়ে ৰাষ্ট্ৰসংঘৰ 70সংখ্যক সন্মিলনত অংশগ্ৰহণ কৰি বিশ্বৰ সকলো নেতাৰ সৈতে 17টা বহনক্ষম উন্নয়ন কাৰকক লৈ এজেণ্ডা 2030 গ্ৰহণ কৰিছিল ৷ পৰিৱেশ সংৰক্ষণৰ লগতে উন্নয়নৰ ওপৰত অধিক গুৰুত্ব প্ৰদান কৰা এই এজেণ্ডা 2030ৰ সন্দৰ্ভত তেতিয়াই প্ৰধানমন্ত্ৰীগৰাকীয়ে ভাৰতৰ অধিকাংশ উন্নয়ন এজেণ্ডা প্ৰতিফলিত হৈছে বুলি মন্তব্য কৰিছিল ৷

এজেণ্ডা 2030ৰ সন্দৰ্ভত ৰাষ্ট্ৰসমূহে নিজাববীয়াকৈ তৈয়াৰ কৰা উন্নয়ন কাৰকসমূহ প্ৰয়োগ কৰিবলৈ আন্তঃৰাষ্ট্ৰীয় সহযোগিতাৰ প্ৰয়োজন আছে ৷ অহা 23 আৰু 24 চেপ্তেম্বৰত নিউ ইয়ৰ্কত অনুষ্ঠিত হ'বলগীয়া উচ্চ পৰ্যায়ৰ অনুষ্ঠানত বহনক্ষম উন্নয়ন সন্দৰ্ভত ভাৰতে গ্ৰহণ কৰা নেতৃত্বক প্ৰতিনিধিত্ব কৰিব প্ৰধানমন্ত্ৰী মোডীয়ে ৷ 23 আৰু 24 চেপ্তেম্বৰত অনুষ্ঠিত হ'বলগীয়া এইসমূহ আন্তঃৰাষ্ট্ৰীয় আলোচনাচক্ৰৰ ভিতৰত ৰাষ্ট্ৰসংঘৰ সচিব প্ৰধানৰ ক্লাইমেট এক্সন চামিট, উনিভাৰ্চেল হেল্থ ক'ভাৰেজ সন্দৰ্ভত উচ্চ পৰ্যায়ৰ আলোচনা, চাছটেইনএবল ডেভেলপমেন্ট গ'লছ চামিট, দি লিডাৰছ চামিট আৰু ভাৰতে নিজাবৱীয়াকৈ আয়োজন কৰা মহাত্মা গান্ধীৰ 150সংখ্যক জন্মজয়ন্তী অন্যতম ৷

2014 চনত প্ৰধানমন্ত্ৰী নৰেন্দ্ৰ মোডীয়ে ৰাষ্ট্ৰসংঘৰ সাধাৰণ পৰিষদক 21 জুনৰ দিনটো স্বাস্থ্যৱান আৰু সুন্দৰ জীৱন উদযাপনৰ বাবে আন্তঃৰাষ্ট্ৰীয় যোগ দিৱস হিচাপে উদযাপন কৰিবলৈ প্ৰস্তাৱ দিয়ে ৷ প্ৰধানমন্ত্ৰী এই প্ৰস্তাৱৰ প্ৰতি সমগ্ৰ বিশ্বই অভূতপূৰ্ব সমৰ্থন প্ৰদান কৰি অভিলেখসংখ্যক মাত্ৰ 75 দিনৰ ভিতৰতে 177 খন দেশে সন্মতি প্ৰদান কৰে ৷ ৰাষ্ট্ৰসংঘৰ বহননক্ষম উন্নয়ন কাৰকৰ সপ্তমটো কাৰক বিশুদ্ধ শক্তিৰ বাবে ভাৰতে গ্ৰহণ কৰা স্থিতিক ৰাষ্ট্ৰসংঘই সমৰ্থন কৰিছে ৷ চলিত বৰ্ষৰ মধ্যভাগলৈ ভাৰতক প্ৰয়োজন হোৱা সৰ্বমুঠ 175 গিগাৱাট পুনৰনৱীকৰণযোগ্য শক্তিৰ ভিতৰত প্ৰায় 80 গিগাৱাট শক্তি আহৰণ কৰিবলৈ সক্ষম হৈছে ৷ এই ভ্ৰমণকালতে ৰাষ্ট্ৰসংঘৰ মুখ্যালয়ত ভাৰতে প্ৰদান কৰা সৌৰ-চাকিসমূহ উদ্বোধন কৰিব প্ৰধানমন্ত্ৰী মোডীয়ে ৷ বহনক্ষম উন্নয়নৰ তৃতীয়টো কাৰক সুস্বাস্থ্য আৰু স্বাস্থ্যৱান জীৱনৰ বাবে ভাৰতে 2018 চনত গ্ৰহণ কৰা আয়ুস্মান ভাৰত আঁচনি অন্যতম ৷ এই আঁচনিৰ দ্বাৰা ভাৰতে 500 মিলিয়ন হিতাধিকাৰীক স্বাস্থ্যৱান জীৱন প্ৰদান কৰাৰ লক্ষ্য গ্ৰহণ কৰিছে ৷ ইয়াৰ উপৰিও ষষ্ঠটো বহনক্ষম উন্নয়ন কাৰক অনাময়ৰ বাবে ভাৰতে গ্ৰহণ কৰা স্বচ্ছ ভাৰত অভিযানৰ সফলতা সমগ্ৰ বিশ্বৰে জ্ঞাত ৷

এজেণ্ডা 2030ৰ প্ৰস্তাৱনাত বিশ্ব নেতাসকলে জোৰ দি কৈছিল যে, বহনক্ষম উন্নয়ন অবিহনে শান্তি সম্ভৱ নহয় আৰু শান্তি অবিহনে বহনক্ষম উন্নয়ন ৷ আশা কৰিব পাৰি যে, ৰাষ্ট্ৰসংঘৰ সাধাৰণ পৰিষদত ৰাষ্ট্ৰনেতাসকলৰ সৈতে হ'বলগীয়া বাৰ্তালাপত বহনক্ষম উন্নয়ন প্ৰস্তাৱনাৰ মহৎ উদ্দেশ্য সুনিশ্চিত কৰিবলৈ বহুপক্ষীয়তাবাদৰ ওপৰত অধিক গুৰুত্ব প্ৰদান কৰিব ৷ 2005 চনত বিশ্বৰ নেতাসকলে সংশোধিত বহুপক্ষীয়তাবাদৰ ওপৰত ভিত্তি কৰি ৰাষ্ট্ৰসংঘৰ এক সংশোধিত সুৰক্ষা পৰিষদক লৈ ভাৰতে এইদৰে বহুপক্ষীয়তাবাদৰ ওপৰত অধিক গুৰুত্ব প্ৰদান কৰিব ৷

ৰাষ্ট্ৰসংঘৰ সুৰক্ষা পৰিষদৰ শুধৰনি ভাৰতৰ বাবে কোনো পৰোপকাৰী উদ্যম নহয় ৷ ভাৰতক বিশ্বশক্তি হিচাপে চিহ্নিত কৰাত ৰাষ্ট্ৰসংঘৰ নিৰাপত্তা পৰিষদে বাহ্যিক পৰিৱেশ প্ৰদানত বিশেষ ভূমিকা পালন কৰি আহিছে ৷ ৰাষ্ট্ৰসংঘৰ নিৰাপত্তা পৰিষদৰ সিদ্ধান্ত গ্ৰহণকাৰী হিচাপে ভাৰতৰ সমান অধিকাৰ থাকিব লাগে ৷ ভাৰত-পাকিস্তানৰ মাজত উদ্ভৱ হোৱা সমস্যা সন্দৰ্ভত চলিত বৰ্ষৰ 16 আগষ্টত সম্পূৰ্ণ 50 বৰ্ষৰ অন্তত ৰাষ্ট্ৰসংঘৰ নিৰাপত্তা পৰিষদত চীনে গ্ৰহণ কৰা স্থিতিৰ বাবে এইটো উল্লেখনীয় ৷ একেদৰেই য়েমেন, ইৰান আৰু আফগানিস্তানৰ লগতে ভাৰত-প্ৰশান্তৰ পশ্চিম ক্ষেত্ৰৰ স্থিৰতা সন্দৰ্ভত ৰাষ্ট্ৰসংঘৰ নিৰাপত্তা পৰিষদত ভাৰতৰ সমান অধিকাৰ থাকিব লাগে ৷ 8 মিলিয়ন ভাৰতীয়ই বাৰ্ষিক 40 আৰব ডলাৰ উপাৰ্জন, ভাৰতৰ ব্যৱসায় আৰু শক্তিখণ্ডৰ ব্যৱসায়ৰ পৰিবহণ সক্ষমতাৰ লগতে ডিজিটেল ইণ্ডিয়াৰ বাবে বিশ্ববাসীক ফাইবাৰ-অপ্টিক কানেক্টিভিটি প্ৰদান কৰাৰ বাবেই এই সমগ্ৰ অঞ্চলটো ভাৰতৰ বাবে অতি গুৰুত্বপূৰ্ণ ৷

ৰাষ্ট্ৰসংঘৰ সাধাৰণ পৰিষদৰ 74 সংখ্যক সন্মিলন ভাৰতৰ বাবে প্ৰধান পৰীক্ষা হ'ব, আন্তঃৰাষ্ট্ৰীয় সহযোগিতাৰ বাবে এনেকুৱা সময়ত নেতৃত্ব প্ৰদান কৰা যিটো সময়ত বিশ্বৰ প্ৰমুখ শক্তিসমূহে ৰাষ্ট্ৰসংঘৰ সদস্য ৰাষ্ট্ৰসমূহৰ স্বকীয়তাক প্ৰত্যাহ্বান জনাই আহিছে ৷ চলিত বৰ্ষৰ 19 জুনত ৰাষ্ট্ৰসংঘৰ সাধাৰণ পৰিষদে "বহুপক্ষীয়তাবাদৰ প্ৰতি বিশ্বাস" স্থাপন কৰিবলৈ এক সংকল্প গ্ৰহণ কৰিছিল ৷ 2020 চনৰ 21 চেম্পেম্বৰত ৰাষ্ট্ৰসংঘৰ 75 সংখ্যক সন্মিলনত এই নীতিক কাৰ্যপন্থালৈ বদলি কৰিবলৈ গ্ৰহণ কৰিব ৰাষ্ট্ৰসংঘই ৷ ভাৰতে অহা 27 চেপ্তেম্বৰত প্ৰধানমন্ত্ৰীয়ে প্ৰদান কৰিবলগীয়া সম্বোধনৰ দ্বাৰা এই বিষয়ত নেতৃত্ব প্ৰদান কৰি শান্তি, সুৰক্ষা আৰু বহনক্ষম উন্নয়নৰ বাবে জৈৱিক আন্তঃসহযোগিতা স্থাপনত বিশেষ ভূমিকা পালন কৰিব পাৰে ৷