নিউজ ডেস্ক,17 এপ্ৰিলঃ মঙলবাৰে মনোনয়ন দাখিল কৰিলে কেন্দ্ৰীয় যুৱ কল্যাণ আৰু ক্ৰীড়ামন্ত্ৰী ৰাজ্যবৰ্ধন সিং ৰথোড়ে ৷ ৰাথোড়ৰ মনোনয়ন দাখিলৰ সময়ত উপস্থিত থাকে পত্নী গায়ত্ৰী ৰাথোড়ৰ লগতে যোগগুৰু বাবা ৰামদেৱ ৷
জয়পুৰ গ্ৰাম্য লোকসভা সমষ্টিৰ পৰা দ্বিতীয়বাৰলৈ লোকসভা নিৰ্বাচনত প্ৰতিদ্বন্দিতা আগবঢ়াব ৰাজ্যবৰ্ধন সিং ৰাথোড়ে ৷ অধিক সংখ্য়ক লোকৰ পৰা সহযোগিতা লাভ কৰিব বুলি আশা কৰি কেন্দ্ৰীয় মন্ত্ৰী জনে সংবাদ মাধ্যমৰ আগত ব্যক্ত কৰে যে,"দেশৰ ইতিহাস মন কৰিলে দেখা যায় যে, অতীজতে দেশ কোনো সাধু-সন্তৰ তত্বাৱধানত পৰিচালিত হৈছিল কিন্তু বৰ্তমান ৰাজনীতিবিদ সকল মহাত্মা বা সাধু-সন্ত সকলৰ আদৰ্শৰ পৰা বহুদূৰ আঁতৰি যোৱা দেখা গৈছে ৷ কিন্তু,মই গুৰুজী আৰু জেষ্ঠ জনৰ আদৰ্শ গ্ৰহণ কৰি ৰাজনীতিৰ ক্ষেত্ৰলৈ আগবাঢ়ি আহিছো" ৷