দুদিনীয়া কাৰ্যসূচীৰে লেহত উপস্থিত কেন্দ্ৰীয় প্ৰতিৰক্ষা মন্ত্ৰী ৰাজনাথ সিং

শুকুৰবাৰে কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙে প্ৰতিৰক্ষা দেশৰ প্ৰধান বিপিন ৰাৱট আৰু সেনা প্ৰধান এম এম নাৰৱানেৰ সৈতে লেহৰ ষ্টাকনাত উপস্থিত হয় ৷ মন্ত্ৰীগৰাকীয়ে দুদিনীয়া এই লাডাখ আৰু জম্মু-কাশ্মীৰ ভ্ৰমণৰ প্ৰথমদিনা লেহত উপস্থিত হোৱাৰ বিষয়ে টুইটাৰত উল্লেখ কৰিছে ৷

নতুন দিল্লী,17 জুলাই:ভাৰতৰ কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙ, দেশৰ প্ৰতিৰক্ষা প্ৰধান বিপিন ৰাৱট আৰু সেনা প্ৰধান এম এম নাৰৱানে শুকুৰবাৰে লেহৰ ষ্টাকনাত উপস্থিত হয় ৷ তিনিজনীয়া দলটোৱে উক্ত অঞ্চলত অৰ্ধ সামৰিক বাহিনীৰ দ্বাৰা প্ৰদৰ্শিত সামৰিক কলাৰ কাৰ্যসূচী উপভোগ কৰিব ৷ প্ৰতিৰক্ষা মন্ত্ৰী গৰাকীয়ে টুইটাৰযোগে এই বিষয়ে উল্লেখ কৰে ৷ কেন্দ্ৰীয় প্ৰতিৰক্ষা মন্ত্ৰীগৰাকীয়ে দুদিনীয়া লাডাখ আৰু জম্মু-কাশ্মীৰ ভ্ৰমণৰ প্ৰথমদিনা লেহত উপস্থিত হোৱাৰ বিষয়ে টুইটাৰত উল্লেখ কৰিছে ৷ সীমা সুৰক্ষা সম্পৰ্কীয় বিবাদ মীমাংসাৰ বাবে পৰিস্থিতিৰ পৰ্যবেক্ষণৰ লগতে সেনা জোৱানসকলৰ লগতো মত বিনিময় কৰিব মন্ত্ৰীগৰাকীয়ে ৷ ইতিমধ্যে সীমা বিবাদ সম্পৰ্কত প্ৰতিৰক্ষা বিভাগে যথেষ্ঠ গুৰুত্ব আৰোপ কৰাৰ কথা প্ৰকাশ কৰে কেন্দ্ৰীয় প্ৰতিৰক্ষা মন্ত্ৰীগৰাকীয়ে ৷

উল্লেখ্য যে,বিগত 3 জুলাইত প্ৰধানমন্ত্ৰী নৰেন্দ্ৰ মোডীয়ে লাডাখত উপস্থিত হৈ গালৱান উপত্যকাৰ ভাৰত-চীন সীমা বিবাদৰ পৰিস্থিতি পৰ্যবেক্ষণ কৰিছিল ৷ প্ৰধানমন্ত্ৰী গৰাকীয়ে সেনা জোৱানসকলৰ সৈতে বিনিময় কৰিছিল মত ৷ সূত্ৰত প্ৰকাশিত তথ্য অনুসৰি, প্ৰতিৰক্ষা মন্ত্ৰীগৰাকীয়ে লাডাখৰ পৰা শ্ৰীনগৰলৈ যাত্ৰা কৰিব ৷ য’ত শনিবাৰে নিয়ন্ত্ৰণ ৰেখা(এল অ’ চি) ত পাকিস্তানৰ সৈতে সীমা বিবাদৰ প্ৰসংগত ভাৰতীয় সেনাৰ উচ্চ পৰ্যায়ৰ বিষয়াসকলৰ সৈতে এক উচ্চস্তৰীয় বৈঠকত অংশগ্ৰহণ কৰিব ৷

প্ৰতিৰক্ষা মন্ত্ৰীগৰাকীয়ে পূৰ্বে প্ৰধানমন্ত্ৰীৰ সৈতে লাডাখত উপস্থিত হোৱাৰ কাৰ্যসূচী নিৰ্ধাৰণ কৰা হৈছিল যদিও সময়ত সেয়া বাতিল হয় ৷ বিগত 5 মে’ৰ পৰা ভাৰতীয় আৰু চীনা সৈন্যসকলক পূৱ লাডাখৰ কেইবাটাও প্ৰান্তত গতিবিধিৰ ওপৰত আঠ সপ্তাহলৈকে কঠোৰ নিষেধাজ্ঞা জাৰি কৰা হৈছিল ৷ ইয়াৰ পাচত গালৱান উপত্যকাত সংঘটিত হিংসাত্মক কাৰ্যত 20 গৰাকী ভাৰতীয় সেনা জোৱান শ্বহীদ হৈছিল ৷

পৰৱৰ্তী সময়ত দুয়োপক্ষৰ ৰাজনৈতিক আৰু সেনাৰ বিষয়ববীয়াসকলৰ বৈঠকৰ অন্তত বিগত 6 জুলাইত উভয় পক্ষই এই বিবাদ নিস্পত্তিৰ ক্ষেত্ৰত এক সিদ্ধান্তত উপনীত হয় আৰু সৈনিক সকলক উক্ত হিংসাত্মক কাৰ্য সংঘটিত হোৱা স্থানৰ পৰা আঁতৰাই আনে ৷ মঙলবাৰে দুয়োপক্ষৰ সেনাৰ জ্যেষ্ঠ কমাণ্ডাৰসকলে চতুৰ্থবাৰৰ বাবে বৈঠকত মিলিত হয় ৷ য’ত ভাৰতীয় প্ৰতিনিধিবৰ্গই চীনক স্পষ্টকৈ পূৱ লাডাখৰ স্থিতি সম্পৰ্কে স্পষ্টীকৰণ দিয়াৰ লগতে চীনক এয়া পালন কৰিবলৈ কঠোৰ নিৰ্দেশ প্ৰদান কৰে ৷

লেহত উপস্থিত কেন্দ্ৰীয় প্ৰতিৰক্ষা মন্ত্ৰী

চৰকাৰী সূত্ৰত প্ৰকাশিত তথ্য অনুসৰি এয়া একপ্ৰকাৰ শান্তিচুক্তি ৷ প্ৰায় 15 ঘণ্টা জোৰা দীঘলীয়া বাৰ্তালাপৰ অন্তত ভাৰতীয় প্ৰতিনিধিবৰ্গই চীনা সৈন্যক "ৰঙা ৰেখা"ৰ গুৰুত্ব সম্পৰ্কে অৱগত কৰে ৷ উক্ত বৈঠক মূলতঃ দীৰ্ঘদিনে অসমতা স্থাপনক কেন্দ্ৰ কৰি হোৱা সংঘৰ্ষৰ ওপৰত ভিত্তি কৰি অনুষ্ঠিত হৈছিল বুলি বিভাগীয় সূত্ৰই সদৰী কৰিছে ৷

লগতে চাওকঃনিযুক্তি কেলেংকাৰী : কংগ্ৰেছৰ জ্যেষ্ঠ নেতা পৱন কুমাৰ বাঞ্চালক জেৰা ইডিৰ