ৰাজস্থান ৰাজনৈতিক সংকট : পাইলটৰ আবেদনৰ স্থগিতাদেশ উচ্চ ন্যায়ালয়ৰ

ৰাজস্থানৰ ৰাজনৈতিক সংকটে দিনে দিনে নতুন মোৰ লৈছে ৷ শুকুৰবাৰে শচীন পাইলট আৰু 18 জন বিধায়কৰ আবেদনত স্থগিতাদেশ জাৰি ৰাজস্থান উচ্চ ন্যায়ালয়ৰ ৷

নেশ্যনেল ডেস্ক, 24 জুলাই :শুকুৰবাৰে ৰাজস্থান উচ্চ ন্যায়ালয়ে শচীন পাইলটৰ পক্ষই দাখিল কৰা আবেদনত স্থগিতাদেশৰ নিৰ্দেশ প্ৰদান কৰিছে ৷ অযোগ্যতাৰ বাবে পাইলট আৰু 18 জন বিধায়কক জাৰি কৰা জাননী সম্পৰ্কত আবেদন দাখিল কৰিছিল পাইলট পক্ষই ৷

ৰাজস্থান উচ্চ ন্যায়ালয়ে শুকুৰবাৰে পাইলট আৰু তেওঁৰ সমৰ্থকৰ বাবে কেন্দ্ৰীয় চৰকাৰকো উত্তৰদায়ী হিচাপে গ্ৰহণ কৰে ৷ এই সম্পৰ্কত বিধানসভাৰ অধ্যক্ষ চি.পি. যোশীয়ে কয়, "উচ্চ ন্যায়ালয়ে শচীন পাইলট আৰু তেওঁৰ সমৰ্থক বিধায়কসকলৰ বাবে অযোগ্যতাৰ জাননীৰ বিৰুদ্ধে আবেদনত কেন্দ্ৰীয় চৰকাৰকো উত্তৰদায়ী হিচাপে ঘোষণা কৰিছে ৷ আদালতত অতিৰিক্ত ছলিচিটৰ জেনেৰেলে (ASG) কেন্দ্ৰক প্ৰতিনিধিত্ব কৰিব ৷"

উল্লেখ্য যে, বৃহস্পতিবাৰে ৰাজস্থানৰ মুখ্যমন্ত্ৰী অশোক গেহলটে মন্তব্য কৰে যে, তেওঁৰ চৰকাৰে অতি সোনকালে দলৰ সংখ্যাগৰিষ্ঠতা বিধানসভাত প্ৰমাণ কৰি দেখুৱাব ৷ ইয়াৰ পাচতে তেওঁ ৰাজস্থানৰ ৰাজ্যপালৰ সৈতে মিলিত হৈ এখন বৈঠকৰ আয়োজন কৰাৰ সম্পৰ্কত বাৰ্তালাপ কৰে বুলি জানিব পৰা গৈছে ৷

লগতে পঢ়ক :আফগানিস্তানত প্ৰতিৰক্ষা বাহিনীৰে গুলীয়াগুলিত 28 তালিবান নিহত