পৰাগ ভূঞাৰ ৰহস্যজনক মৃত্যু সন্দৰ্ভত ৰাহুল গান্ধীৰ টুইট

কাকপথাৰৰ সাংবাদিক পৰাগ ভূঞাৰ ৰহস্যজনক মৃত্যু সন্দৰ্ভত ৰাহুল গান্ধীৰ টুইট ৷ বিজেপি শাসিত ৰাজ্যত সাহসী সাংবাদিকক হত্যা কৰা হৈছে বুলি সমালোচনা গান্ধীৰ ৷

নিউজ ডেস্ক, 13 নৱেম্বৰ : কাকপথাৰৰ সাংবাদিক পৰাগ ভূঞাৰ ৰহস্যজনক দুৰ্ঘটনা আৰু মৃত্যুয়ে জোকাৰি গৈছে সমগ্ৰ ৰাজ্য ৷ ৰাজ্যৰ চৌদিশে চলিছে পৰাগ ভূঞাৰ ন্যায়ৰ দাবীত প্ৰতিবাদ ৷ এই ঘটনা সন্দৰ্ভত টুইটাৰৰ জৰিয়তে নিজৰ মত প্ৰকাশ কৰিছে কংগ্ৰেছ নেতা ৰাহুল গান্ধীয়ে ৷

গান্ধীয়ে টুইটাৰৰ জৰিয়তে কয়, "বিজেপি নেতাৰ ভ্ৰষ্টাচাৰ উদঙোৱা অসমৰ সাংবাদিক পৰাগ ভূঞাক সন্দেহজনকভাৱে হত্যা কৰা হ'ল ৷ তেওঁৰ শোক সন্তপ্ত পৰিয়াললৈ সমবেদনা জ্ঞাপন কৰিলো ৷ অসম, মধ্য প্ৰদেশ অথবা উত্তৰ প্ৰদেশৰ দৰে বিজেপি শাসিত ৰাজ্যসমূহত সাহসিকতাৰে সাংবাদিকতা কৰা সাংবাদিকসকলক হত্যা কৰা হৈছে আৰু হিংসা বিয়পোৱাসকলক সুৰক্ষা দিয়া হৈছে ৷"

লগতে পঢ়ক :মহাজোঁট অবিহনে বিজেপিক প্ৰতিহত কৰা অসম্ভৱঃ অজিত ভূঞা