নেশ্যনেল ডেস্ক, 20 জুলাই : কংগ্ৰেছ নেতা ৰাহুল গান্ধীয়ে সোমবাৰে ভাৰত-চীনৰ মাজৰ সীমা বিবাদ সম্পৰ্কে দ্বিতীয়টো ডিজিটেল ভিডিঅ' প্ৰচাৰ কৰিব ৷
দলৰ এক সূত্ৰই জনোৱা মতে, "ৰাহুল গান্ধীৰ প্ৰথমটো খণ্ডৰ ভিডিঅ'ই ছ'চিয়েল মিডিয়াত ইতিমধ্যে লক্ষাধিক ভিউজ লাভ কৰিবলৈ সক্ষম হৈছে ৷ লগতে, কংগ্ৰেছ নেতাগৰাকীৰ টুইটাৰযোগে প্ৰচাৰ হোৱা ভিডিঅ'টিয়ে সুকীয়াকৈ 2.5 মিলিয়ন ভিউজ লাভ কৰে" ৷
লগতে সূত্ৰই কয় যে, "এইটো এটা ৰাষ্ট্ৰীয় মহত্বপূৰ্ণ দিশ আৰু প্ৰতিজন ভাৰতীয়ই এই বিষয়ে চিন্তা কৰা উচিত" ৷ উল্লেখ্য যে, এই ভিডিঅ'টি ৰাহুল গান্ধীৰ ছ'চিয়েল মিডিয়া একাউণ্টসমূহযোগে প্ৰচাৰ কৰা হ'ব ৷
ৰাহুল গান্ধীয়ে শুকুৰবাৰে এক ভিডিঅ'যোগে চৰকাৰৰ বৈদেশিক নীতিৰ ওপৰত প্ৰশ্ন উত্থাপন কৰে ৷ তেওঁ লাডাখত চীনৰ সৈতে হোৱা মুখামুখি সংঘৰ্ষত মোদী চৰকাৰক সমালোচনা কৰে ৷ তেওঁ কয় যে, "চীনে আমাৰ মাটিক ভাৰতৰ বৈদেশিক নীতি, অৰ্থব্যৱস্থা আৰু চুবুৰীয়া দেশসমূহৰ সৈতে সম্পৰ্ক বিঘ্নিত কৰিবলৈ এই সময়খিনি বাছি লৈছে" ৷
লগতে পঢ়ক : শীঘ্ৰে ফাদিল হ'ব বিজেপিৰ মিছা মন্তব্য, দেশবাসীয়ে ভুগিব শাস্তিঃ ৰাহুল গান্ধী