নিউজ ডেস্ক, ২৬ জুনঃ বৃহস্পতিবাৰে বিহাৰত বজ্ৰপাত পৰি ৮৩ গৰাকীকৈ ব্যক্তিৰ মৃত্যু হোৱা ঘটনা সন্দৰ্ভত শোক প্ৰকাশ কৰাৰ লগতে পৰিয়াললৈ সমবেদনা জ্ঞাপন কৰে কংগ্ৰেছৰ নেতা তথা প্ৰাক্তন কংগ্ৰেছ অধ্যক্ষ ৰাহুল গান্ধীয়ে ।
বিহাৰৰ মুখ্যমন্ত্ৰী কাৰ্যালয়ৰ তথ্য অনুসৰি, বিহাৰত বিগত ২৪ ঘণ্টাত মুষলধাৰ বৰষুণ, বতাহ আৰু বজ্ৰপাতৰ পৰিণতিতে মৃত্যু হয় ৮৩ গৰাকীকৈ লোকৰ ।
আনহাতে, ঘটনা সন্দৰ্ভত ৰাহুল গান্ধীয়ে টুইটযোগে কয়, "বিহাৰত বজ্ৰপাত পৰি ৮৩ গৰাকীকৈ লোকৰ মৃত্যু হোৱা খবৰ পোৱা পাচতে মই হতাশ হৈ পৰিছো । ভগৱানে মৃতকৰ পৰিয়ালক এই দুখৰ সময়ত সাহস দিয়ক । মই কংগ্ৰেছৰ কাৰ্যকৰ্তা তথা নেতাসকলক এই দুখৰ সময়ত পৰিয়াল কেইটাক সহায় কৰিবলৈ অনুৰোধ জনাইছো ।"
উল্লেখ্য যে, বিহাৰত বজ্ৰপাত পৰি মৃত্যু হোৱা ব্যক্তিসকলৰ পৰিয়াললৈ ইতিমধ্যে ৪ লাখ টকাকৈ আগবঢ়াব বুলি সদৰি কৰে বিহাৰৰ মুখ্যমন্ত্ৰী নিতিশ কুমাৰে ।
লগতে পঢ়ক : গোলকীয় মহাকাশ অৰ্থনীতি দখল কৰাৰ বাবে ব্যক্তিগত উদ্যোগৰ প্ৰয়োজনঃ ISRO
