পুলৱামা সন্দৰ্ভত কি ক'লে তৰুণ গগৈয়ে !

জি কিশান ৰেড্ডীক সমালোচনা প্ৰাক্তন মুখ্যমন্ত্ৰী তৰুণ গগৈৰ

নতুন দিল্লী, ২৭ জুনঃ দেশ কঁপাই যোৱা পুলৱামা কাণ্ড সন্দৰ্ভত ৰাজ্যসভাৰ সাংসদ তথা কেন্দ্ৰীয় গৃহ ৰাজ্যমন্ত্ৰী জি কিশান ৰেড্ডীৰ মন্তব্যক সমালোচনা প্ৰাক্তন মুখ্যমন্ত্ৰী তৰুণ গগৈৰ । কেন্দ্ৰীয় গৃহ ৰাজ্যমন্ত্ৰী জি কিশান ৰেড্ডীয়ে সদনক বিপথে পৰিচালিত কৰাৰ অভিযোগ উত্থাপন কৰে প্ৰাক্তন মুখ্যমন্ত্ৰীগৰাকীয়ে । ইটিভি ভাৰতৰ সাংবাদিকৰ সৈতে হোৱা সাক্ষাৎকাৰত এই কথা সদৰী কৰে তৰুণ গগৈয়ে ।

লগতে, কেন্দ্ৰীয় চৰকাৰক সুৰক্ষা কৰিবলৈ সদনত ৰেড্ডীয়ে মিছা কথাৰ আশ্ৰয় লোৱা বুলিও অভিযোগ উত্থাপন কৰে প্ৰাক্তন মুখ্যমন্ত্ৰীগৰাকীয়ে ।

উল্লেখ্য যে, পুলৱামাত সংঘটিত হোৱা সন্ত্ৰাসবাদী আক্ৰমণত 40 গৰাকী সেনা জোৱান শ্বহীদ হোৱা সন্দৰ্ভত কোনো ধৰণৰ চোৰাংচোৱা ব্যৰ্থ হোৱা নাই বুলি ৰাজ্যসভাত এক বিবৃতি দাখিল কৰে জি কিশান ৰেড্ডীয়ে ।