নিউজ ডেস্ক, ১৯ এপ্ৰিলঃ আগন্তুক ২২ এপ্ৰিলত ৰাষ্ট্ৰীয় ক্ৰীড়া পৰিষদৰ সৈতে ভিডিঅ' কনফাৰেঞ্চযোগে বৈঠক অনুষ্ঠিত হ'ব ভাৰতীয় অলিম্পিক প্ৰস্তুতি কমিটিৰ । মহামাৰী কৰ'ণা ভাইৰাছৰ সংকটময় পৰিৱেশত ভৱিষ্যতে কি পদক্ষেপ গ্ৰহণ কৰিব সেই সন্দৰ্ভত আলোচনা কৰা হ'ব বৈঠকত ।
বৈঠকত উপস্থিত থাকিব ভাৰতীয় অলিম্পিক সংস্থাৰ সভাপতি নৰিন্দৰ বাট্ৰা আৰু সাধাৰণ সম্পাদক ৰাজীৱ মেহতা ৷
অলিম্পিকত অংশগ্ৰহণ কৰাৰ বাবে বাচনি হোৱা খেলুৱৈসকলৰ সন্দৰ্ভত ভিডিঅ' কনফাৰেঞ্চযোগে অনুষ্ঠিত কৰা হ'ব বৈঠক । আনহাতে, বৈঠকৰ অন্তত ভাৰতীয় অলিম্পিক প্ৰস্তুতি কমিটিৰ অধ্যক্ষ ললিত ভানোট, সভাপতি নৰিন্দৰ বাট্ৰা আৰু সাধাৰণ সম্পাদক ৰাজীৱ মেহতাসহ অন্যান্য বিষববীয়াই অলিম্পিকৰ অন্যান্য বিষয় সন্দৰ্ভত আলোচনাত মিলিত হ'ব ।
উল্লেখ্য যে, ইতিমধ্যে মহামাৰী কৰ'ণা ভাইৰাছৰ বাবে টকিঅ' অলিম্পিক, ২০২০ স্থগিত ৰখা হৈছে । চলিত বৰ্ষৰ ২৩ জুলাইৰ পৰা ৮ আগষ্টলৈ অনুষ্ঠিত হ'বলগা অলিম্পিক আগন্তুক বৰ্ষ তথা ২০২১ চনৰ ২৪ আগষ্টৰ পৰা ৫ ছেপ্তেম্বৰলৈ অনুষ্ঠিত হ'ব বুলি ঘোষণা কৰা হৈছিল যদিও এই সম্পৰ্কত বৰ্তমানেও অনিশ্চয়তাৰ সৃষ্টি হৈ আছে ৷