নিউজ ডেস্ক, 13 আগষ্ট: জীৱিত অৱস্থাত আছে দেশৰ প্ৰাক্তন ৰাষ্ট্ৰপতি প্ৰণৱ মুখাৰ্জী ৷ তেখেত চিকিৎসালয়ত ভৰ্তি হৈ আছে ৷ তেখেতৰ স্বাস্থ্যৰ অৱনতি ঘটিছে ৷ প্ৰাক্তন ৰাষ্ট্ৰপতিগৰাকীৰ পুত্ৰ অভিজিৎ মুখাৰ্জীয়ে সংবাদ মাধ্যমত চলি থকা প্ৰাক্তন ৰাষ্ট্ৰপতি গৰাকীৰ মৃত্যুৰ বাতৰিক খণ্ডন কৰাৰ লগতে এয়া উৰা বাতৰি বুলি সদৰি কৰিছে ৷
টুইট যোগে অভিজিৎ মুখাৰ্জীয়ে কয় যে, "মোৰ পিতৃ শ্ৰী প্ৰণৱ মুখাৰ্জী এতিয়া জীৱিত আছে তথা তেখেতৰ স্বাস্থ্যৰ অৱস্থাও স্থিৰ হৈ আছে ৷" তেখেতে অভিযোগ উত্থাপন কৰি কয় যে, তেখেতৰ পিতৃৰ মৃত্যু সন্দৰ্ভত সামাজিক মাধ্যমত প্ৰতিষ্ঠিত সাংবাদিকৰ দ্বাৰাও ভুৱা বাতৰি প্ৰচাৰ কৰা হৈছে ৷ প্ৰাক্তন ৰাষ্ট্ৰপতি গৰাকীৰ কন্যা শমিষ্ঠা মুখাৰ্জীয়েও পিতৃৰ মৃত্যুৰ বাতৰি সমূহক খণ্ডন কৰিছে ৷