নিউজ ডেস্ক, ১৯ জুনঃ প্ৰৱজিত শ্ৰমিকৰ বাবে প্ৰধানমন্ত্ৰী নৰেন্দ্ৰ মোডীৰ বিশেষ ঘোষণা । মহামৰী COVID-19 প্ৰতিৰোধৰ বাবে সমগ্ৰ দেশজুৰি চলা লক ডাউনৰ মাজতে নিজ নিজ গৃহ ৰাজ্যলৈ ঘূৰি যোৱা শ্ৰমিকসকৰ বাবে শনিবাৰ তথা ২০ জুনৰ পৰা আৰম্ভ কৰিব ৫০,০০০ কোটি টকাৰ 'মেগা ৰোজগাৰ যোজনা' ।
বিহাৰৰ খগড়িয়া জিলাৰ পৰা আৰম্ভ হ'বলগীয়া এই 'মেগা ৰোজগাৰ যোজনা' পাচত দেশৰ ১১৬ খন জিলাতে আৰম্ভ কৰিব বুলি সদৰি কৰা হৈছে । সৰ্বাধিক শ্ৰমিক থকা চহৰ সমূহতে এই যোজনা আৰম্ভ কৰা হ'ব বুলি উল্লেখ কৰে বিত্ত মন্ত্ৰী নিৰ্মলা সীতাৰমণে ।
এখন জিলাৰ কমেও ২৫,০০০ গৰাকী শ্ৰমিকক কৰ্মসংস্থাপন দিয়াৰ উদ্দেশ্যেৰে জিলাসমূহ নিৰ্বাচন কৰা হৈছে বুলিও উল্লেখ কৰে ।