প্ৰধানমন্ত্ৰী মোদীয়ে বৃহস্পতিবাৰে সম্বোধন কৰিব ৩য় সংখ্যক USISPF সন্মিলন
বৃহস্পতিবাৰে প্ৰধানমন্ত্ৰী মোদীয়ে সম্বোধন কৰিব ৩য় সংখ্যক USISPF সন্মিলন । শীৰ্ষ কৰ্প'ৰেট নেতা, চৰকাৰী বিষয়া আৰু নেতাই অংশগ্ৰহণ কৰিব সন্মিলনত।
নেশ্যনেল ডেস্ক,২ছেপ্টেম্বৰ: বাণিজ্য-বিনিয়োগ, প্ৰযুক্তি, কৌশলগত শক্তিৰ সম্পৰ্কৰ ক্ষেত্ৰত দ্বিপাক্ষিক সহযোগিতাক দৃষ্টিগোচৰ কৰাৰ প্ৰয়াসেৰে অনুষ্ঠিত হৈছে ৩য় সংখ্যক USISPF সন্মিলন। প্ৰধানমন্ত্ৰী নৰেন্দ্ৰ মোদীয়ে বৃহস্পতিবাৰে ইউ এছ ইণ্ডিয়া ষ্ট্ৰেটেজিক পাৰ্টনাৰশ্বিপ ফ'ৰামৰ তৃতীয় বাৰ্ষিক সন্মিলন সম্বোধন কৰিব । পুৱা ৯ বজাত সন্মিলন সম্বোধন কৰিব প্ৰধানমন্ত্ৰীগৰাকীয়ে । প্ৰধানমন্ত্ৰীৰ কাৰ্যালয়ে এই কথা প্ৰকাশ কৰিছে । ইউ এছ ইণ্ডিয়া ষ্ট্ৰেটেজিক পাৰ্টনাৰশ্বিপ ফ'ৰাম হৈছে ভাৰত আৰু আমেৰিকাৰ মাজত থকা অংশীদাৰিত্বৰ বাবে কাম কৰা এটা সংস্থা । ৫ দিনীয়া কাৰ্যসূচীৰে ৩১ আগষ্টৰ পৰা আৰম্ভ হৈছে । সন্মিলনত বিশ্বজুৰি উৎপাদন কেন্দ্ৰ গঢ় লৈ উঠাৰ ক্ষমতা, ভাৰতৰ গেছ বজাৰত সুযোগ, ভাৰতত প্ৰত্যক্ষ বিনিয়োগৰ বাবে বিনিয়োগকাৰীক আকৃষ্ট কৰা, ব্যৱসায় কৰাৰ প্ৰক্ৰিয়া সহজ কৰা ইত্যাদি বিষয়ত আলোচনা হ'ব ।