অভিজিৎ বেনাৰ্জীক সাক্ষাৎ প্ৰধানমন্ত্ৰী মোডীৰ

প্ৰধানমন্ত্ৰী নৰেন্দ্ৰ মোডীক সাক্ষাৎ কৰে নবেল বটাঁ প্ৰাপক অৰ্থনীতিবিদ অভিজিৎ বেনাৰ্জীয়ে ৷ ভাৰত আৰু ভাৰতীয় অৰ্থনীতিৰ বিভিন্ন বিষয়ক লৈ আলোচনা কৰে দুয়োজনে ৷ এই সাক্ষাতৰ পিছত প্ৰধানমন্ত্ৰীৰ টুইট ‘অভিজিৎ বেনাৰ্জীৰ সাফল্যত গৌৰাম্বিত ভাৰত’

নেশ্যনেল ডেস্ক, 22 অক্টোবৰ: নবেল বঁটা প্ৰাপক অৰ্থনীতিবিদ অভিজিৎ বেনাৰ্জীয়ে মঙলবাৰে সাক্ষাৎ কৰে প্ৰধানমন্ত্ৰী নৰেন্দ্ৰ মোডীক ৷ এই সাক্ষাৎকাৰত ভাৰত আৰু ভাৰতীয় অৰ্থনীতিৰ বিভিন্ন বিষয়ক লৈ আলোচনা কৰা হয় বুলি জনাই বেনাৰ্জীয়ে ৷ এই সাক্ষাৎকাৰৰ এখন ছবি প্ৰধানমন্ত্ৰী মোডীয়ে নিজৰ টুইটাৰত শ্বেয়াৰ কৰে ৷তেওঁ কয় যে নবেল বটাঁ প্ৰাপক অৰ্থনীতিবিদ গৰাকীক লগ পাই উৎফুল্লিত প্ৰধানমন্ত্ৰী ৷ তেওঁ লগতে কয় যে অভিজিৎ বেনাৰ্জীৰ সাফল্যত গৌৰান্বিত ভাৰত ৷

উল্লেখযোগ্য যে,ভাৰতীয় মূলৰ আমেৰিকান প্ৰফেছাৰ অভিজিৎ বেনাৰ্জীয়ে এষ্ঠাৰ ডাফলো আৰু মাইকেল ক্ৰিমাৰক 2019 বৰ্ষৰ অৰ্থশাস্ত্ৰৰ সন্মানীয় ন'বেল বঁটা প্ৰদান কৰা হয় ৷ "For their Experimental Approach to Alleviating Global Poverty" শীৰ্ষক বিষয়ৰ বাবে তিনিওগৰাকীয়ে লাভ কৰে চলিত বৰ্ষৰ সন্মানীয় অৰ্থশাস্ত্ৰৰ ন'বেল বঁটা ৷মাছাচ্যুচেটছ ইনষ্টিটিউট অৱ টেকন'ল'জিৰ অৰ্থবিজ্ঞান শাখাৰ ফৰ্ড ফাউণ্ডেশ্যন ইণ্টাৰনেশ্যনেলত অধ্যাপক হিচাপে কৰ্মৰত অভিজিৎ বেনাৰ্জী ৷