নিউজ ডেস্ক, 22 জুন : ভাৰতৰ প্ৰধানমন্ত্ৰী নৰেন্দ্ৰ মোডীক কটাক্ষ প্ৰাক্তন প্ৰধানমন্ত্ৰী মনমোহন সিঙৰ । লাডাখত চীনা সৈন্যৰ সৈতে ভাৰতীয় সেনাৰ সংঘৰ্ষৰ পাচতেই ভাৰতৰ প্ৰধানমন্ত্ৰী নৰেন্দ্ৰ মোডীয়ে দিয়া ব্যক্তব্য়ক লৈ কটো সমালোচনা ভাৰতৰ প্ৰাক্তন প্ৰধানমন্ত্ৰীগৰাকী মনমোহন সিঙৰ ।
সোমবাৰে মোডীক সমালোচনা কৰি মনমোহন সিঙে কয়, মোডীয়ে নিজৰ ভাষণেৰে চীনৰ চক্ৰান্তকাৰী মনোভাৱক অধিক শক্তি প্ৰদান কৰিব নালাগে । আনহাতে চৰকাৰক সকলো পক্ষৰ সৈতে মিলিত হৈ বৰ্তমানৰ পৰিস্থিতিৰ মোকাবিলা কৰাৰ প্ৰয়োজন । ইয়াৰ লগতে তেওঁ কয়, বিভ্ৰান্তিমূলক প্ৰচাৰ কেতিয়াও কূটনীতি আৰু শক্তিশালী নেতৃত্বৰ বিকল্প হ'ব নোৱাৰে আনহাতে জোৱানৰ বলিদান অথলে নাযায় তাৰ ন্য়ায়বিচাৰ সুনিশ্চিত কৰাৰো আহ্বান জনায় প্ৰধানমন্ত্ৰীক ।
উল্লেখ্য় যে, প্ৰধানমন্ত্ৰী মোডীয়ে ভাৰত-চীনৰ উত্তেজনাময় বিষয় সন্দৰ্ভত শুকুৰবাৰে অনুষ্ঠিত এক সৰ্বদলীয় বৈঠকত ভাৰতীয় সীমান্তত চীনা সৈন্য প্ৰৱেশ কৰা নাই আৰু আমাৰ ভূমি কোনো বাহিৰা শক্তিয়ে জব্দ কৰি থকা নাই বুলি মন্তব্য় প্ৰকাশ কৰিছিল । এই বক্তব্যৰ প্ৰসংগতেই শনিবাৰে প্ৰধানমন্ত্ৰীৰ কাৰ্যলয়ৰ পৰা সৰ্বদলীয় বৈঠকত প্ৰধানমন্ত্ৰী কৰা মন্তব্য়ক কোনো দুষ্ট চক্ৰই ষড়যন্ত্ৰমূলক ভাৱে দুষ্ট বাখ্যা চলোৱাৰ অপচেষ্টা কৰা বুলি উল্লেখ কৰে ।