নেশ্যনেল ডেস্ক, ৩ছেপ্টেম্বৰ: চাইবাৰ অপৰাধীৰ কোপ দৃষ্টিৰ পৰা ৰক্ষা নপৰিল প্ৰধনমন্ত্ৰীও । প্ৰধানমন্ত্ৰী নৰেন্দ্ৰ মোদীৰ ব্যক্তিগত টুইটাৰ একাউণ্ট হেক কৰি টুইট কৰিলে চাইবাৰ অপৰাধীয়ে । বৃহস্পতিবাৰে এই কথা পোহৰলৈ আহে । প্ৰধানমন্ত্ৰীৰ ব্যক্তিগত ৱেবছাইটৰ সৈতে সংলগ্ন থকা টুইটাৰ একাউণ্ট হেক কৰা হৈছে ।
প্ৰধানমন্ত্ৰী নৰেন্দ্ৰ মোদীৰ ব্যক্তিগত টুইটাৰ একাউণ্ট হেক - একাউণ্ট হেক
চাইবাৰ অপৰাধীৰ দু:সাহস । প্ৰধানমন্ত্ৰী নৰেন্দ্ৰ মোদীৰ ব্যক্তিগত টুইটাৰ একাউণ্ট হেক। টুইটযোগে প্ৰধানমন্ত্ৰী ৰাষ্ট্ৰীয় সাহায্য পুঁজিৰ বাবে সাহায্য বিচাৰিলে হেকাৰে।
প্ৰধানমন্ত্ৰী নৰেন্দ্ৰ মোদীৰ ব্যক্তিগত টুইটাৰ একাউণ্ট হেক
হেকাৰে ক্ৰিপ্ট'কাৰেন্সিৰে বিষয়ক টুইট কৰিছে প্ৰধানমন্ত্ৰীৰ ব্যক্তিগত টুইটাৰ একাউণ্টৰ পৰা । টুইটটোত হেকাৰে লিখিছে, মই আপোনালোক সকলোকে অনুৰোধ জনাইছো যে, 'COVID-19ৰ বাবে প্ৰধানমন্ত্ৰী ৰাষ্ট্ৰীয় সাহায্য পুঁজিলৈ দান-বৰঙণি আগবঢ়াওক । এতিয়া ভাৰতৰ আৰম্ভণি ক্ৰিপ্ট'কাৰেন্সিৰে কৰোঁ আহক । অনুগ্ৰহ কৰি .....................................ত প্ৰধানমন্ত্ৰী ৰাষ্ট্ৰীয় সাহায্য পুঁজিৰ বাবে সাহায্য আগবঢ়াওক।' অৱশ্য এই টুইট বৰ্তমান ডিলিট কৰি দিয়া হৈছে । প্ৰধানমন্ত্ৰী নৰেন্দ্ৰ মোদীৰ ব্যক্তিগত টুইটাৰ একাউণ্ট হেক কৰিছে জন ৱিক নামৰ এজন লোকে।