নিউজ ডেস্ক, ২৬ জুন : কোভিড-১৯ ৰ সন্ত্ৰাস অব্যাহত থকাৰ মাজতে শুকুৰবাৰে প্ৰধানমন্ত্ৰী নৰেন্দ্ৰ মোডীয়ে ভিডি'অ কনফাৰেন্সৰ জৰিয়তে উত্তৰ প্ৰদেশত প্ৰধানমন্ত্ৰী আত্মনিৰ্ভৰশীল আঁচনিৰ শুভাৰম্ভ কৰে । যিখন আঁচনিৰ জৰিয়তে ৰাজ্যখনৰ ১.২৫ কোটি প্ৰবাসী শ্ৰমিকৰ লাভ হ'ব বুলি প্ৰধানমন্ত্ৰী তথা উত্তৰ প্ৰদেশৰ মুখ্যমন্ত্ৰী যোগী আদিত্যনাথ বিশ্বাসী । দেশৰ এই জটিল সময়ত প্ৰধানমন্ত্ৰী গৰাকীৰ এই আঁচনিৰ বাবে যোগী আদিত্যনাথক ধন্যবাদ জ্ঞাপন কৰে ।
লগতে প্ৰধানমন্ত্ৰীৰ এই আঁচনিৰ জৰিয়তে ১.২৫ কোটি লোকে লাভান্বিত হ'ব বুলি কোৱাৰ লগতে কোভিড-১৯ ৰ সমান্তৰালভাৱে যিসকল লোকে কৰ্মসংস্থাপন হেৰুওৱাইছে সেই সকল লোকক এই আঁচনিৰ আঁওতাত আনি সংস্থাপন দিয়াৰ কথা চিন্তা কৰা হৈছে । তথ্য অনুসৰি, ৩০ লাখতকৈ অধিক শ্ৰমিকে কৰ'ণা মহামাৰীৰ সময়ত নিজ ৰাজ্যলৈ উভতি আহিছে ।
উত্তৰ প্ৰদেশত প্ৰধানমন্ত্ৰী আত্ম নিৰ্ভৰশীল আঁচনিৰ শুভাৰম্ভ