নতুন দিল্লী, 17 এপ্ৰিল: গুজৰাটৰ ধুমুহা বৰষুণত ক্ষতিগ্ৰস্ত লোকলৈ প্ৰধান মন্ত্ৰীৰ সাহাৰ্য্য ঘোষণা । নিহতৰ পৰিয়াললৈ 2 লাখ টকাৰ সাহাৰ্য্য ।
প্ৰধানমন্ত্ৰীৰ কাৰ্য্যালয়ৰ তৰফৰ পৰা টুইটাৰ যোগে প্ৰকাশ কৰা অনুসৰি প্ৰধানমন্ত্ৰী সাহাৰ্য্য কোষৰ পৰা এই সাহাৰ্য্য প্ৰদান কৰা হৈছে । আনহাতে আহতসকললৈ 50,000 টকাৰ এককালীন সাহাৰ্য্য ঘোষণা কৰে প্ৰধানমন্ত্ৰীগৰাকীয়ে ।
আনহাতে কেৱল গুজৰাটৰ ধুমুহা বৰষুণত ক্ষতিগ্ৰস্ত লোকক সাহাৰ্য্য প্ৰদান কৰা বিষয়টো সমালোচনা কৰিছে মধ্যপ্ৰদেশৰ মুখ্যমন্ত্ৰী কমল নাথে । মুখ্যমন্ত্ৰীগৰাকীয়ে প্ৰকাশ কৰা অনুসৰি প্ৰধানমন্ত্ৰীগৰাকী কেৱল গুজৰাটৰ নহয় বৰঞ্চ তেওঁ দেশৰ প্ৰধানমন্ত্ৰী । মধ্যপ্ৰদেশত ধুমুহা বৰষুণত 10 জনতকৈ অধিক লোক নিহত হৈছে । কিন্তু ৰাজ্যখনত বিজেপিৰ চৰকাৰ নথকাৰ বাবেই গুৰুত্ব নিদিয়াৰ অভিযোগ উত্থাপন কৰিছে মুখ্যমন্ত্ৰী কমল নাথে ।
উল্লেখযোগ্য যে , বিধ্বংসী ধুমুহা আৰু প্ৰৱল বৰষুণে গুজৰাট ,মধ্যপ্ৰদেশ , ৰাজস্থানৰ লগতো অসমতো যথেষ্ট ক্ষতিসাধন কৰিছে ৷
