প্ৰধানমন্ত্ৰীৰ ভাষণক উকা কাগজৰ লগত তুলনা চিদাম্বৰমৰ

কংগ্ৰেছ নেতা পি চিদাম্বৰামে প্ৰধান মন্ত্ৰী নৰেন্দ্ৰ মোডীয়ে মঙলবাৰে ঘোষণা কৰা বিত্তীয় পুঁজি সম্পৰ্কে কয় যে, মোডীয়ে মাত্ৰ শিৰোনামহে দি গ'ল । লগতে তেওঁ কয় যে, "প্ৰকৃত ধন" নিম্ম বৰ্গৰ হাতলৈ যায় নে নাই সেইটো জনাটো প্ৰয়োজনীয় হ'ব ।

নিউজ ডেস্ক, 13 মে': প্ৰধান মন্ত্ৰী নৰেন্দ্ৰ মোডীয়ে মঙলবাৰে ঘোষণা কৰা বিত্তীয় পুঁজি সম্পৰ্কে মন্তব্য কৰে প্ৰাক্তন কেবিনেট মন্ত্ৰী তথা কংগ্ৰেছৰ জেষ্ঠ্য নেতা পি চিদাম্বৰামে ।

মোডীয়ে ঘোষণা কৰা 20 লাখ কোটি টকাৰ পেকেজৰ প্ৰসংগত চিদাম্বৰমে কয় যে, নিম্ন বৰ্গৰ জনতাই (13 কোটি পৰিয়ালে) "প্ৰকৃত ধন"ৰ কি লাভ কৰে সেইটো কংগ্ৰেছে পৰীক্ষা কৰিব ।

কেংগ্ৰেছৰ জেষ্ঠ্য নেতাজনে টুইটৰ জৰিয়তে কয় যে, প্ৰধানমন্ত্ৰী গৰাকীয়ে ভাষণক কেৱল এটা শিৰোনামা দি বাকী সমূহ উকা কৰি ৰাখিলে । এই উকা পাতটো এতিয়া বিত্ত মন্ত্ৰীয়ে পূৰ্ণ কৰিব লাগিব ।

উল্লেখ্য যে, মঙলবাৰে লক্ ডাউনৰ প্ৰসংগত প্ৰধানমন্ত্ৰী মোডীয়ে দেশবাসীক সম্বোধন কৰিছিল আৰু সংকটৰ সময়ত দেশত 20 লাখ কোটি টকাৰ এক পেকেজ ঘোষণা কৰিছিল ।