নিউজ ডেস্ক, ১২ এপ্ৰিলঃকেন্দ্ৰীয় চৰকাৰ আৰু ৰাজ্য চৰকাৰে যোৱা ১০ এপ্ৰিল লৈ প্ৰায় ৩২ কোটি বেংক একাউণ্টলৈ ২৮ হাজাৰ কোটি টকা মুকলি কৰিছে । ইয়াৰে ৪০ শতাংশ অৰ্থাৎ ১১.৩৩৫ কোটি টকা কেন্দ্ৰৰ নতুন আঁচনি প্ৰধানমন্ত্ৰী দৰিদ্ৰ কল্যাণৰ অধীনত প্ৰদান কৰা হৈছে । আনহাতে ১৩,৮৫৫ কোটি মুকলি কৰা হয় প্ৰধানমন্ত্ৰী কিষান সন্মান নিধি আঁচনিৰ অধীনত ।
যোৱা ২৬ মাৰ্চত বিত্তমন্ত্ৰী নিৰ্মলা সীতাৰমণে প্ৰধানমন্ত্ৰী দৰিদ্ৰ কল্যাণ আঁচনিৰ অধীনত ১.৭ লাখ কোটি টকা প্ৰদানৰ ঘোষণা কৰিছিল । কৰ'ণা ভাইৰাছৰ প্ৰাদুৰ্ভাৱৰ সময়ত জনসংখ্যাৰ প্ৰায় দুই-তৃতীয়াংশ এই আঁচনিৰ অন্তৰ্ভূক্ত কৰা হ'ব বুলি উল্লেখ কৰিছিল মন্ত্ৰীগৰাকীয়ে ।
শনিবাৰে বিত্তমন্ত্ৰীগৰাকীয়ে ১০ এপ্ৰিললৈকে ৩১.৭৭ কোটি একাউণ্টলৈ ২৮,২৫৬ কোটি টকা ট্ৰান্সফাৰ কৰাৰ কথা সদৰি কৰে । ইয়াৰে ৪০ শতাংশ অৰ্থাৎ ১১.৩৩৫ কোটি টকা কেন্দ্ৰৰ নতুন আঁচনি প্ৰধানমন্ত্ৰী দৰিদ্ৰ কল্যাণৰ অধীনত কৰা হৈছে । আনহাতে ১৩,৮৫৫ কোটি মুকলি কৰা হয় প্ৰধানমন্ত্ৰী কিষান সন্মান নিধিৰ অধীনত । যিটো যোৱা বৰ্ষৰ লোকসভা নিৰ্বাচনৰ সময়ত নৰেন্দ্ৰ মোডীয়ে ঘোষণা কৰিছিল ।
ভাৰতত এই ভাইৰাছত বৰ্তমানলৈ ২৪০ গৰাকীৰ মৃত্যু হোৱাৰ বিপৰীতে সমগ্ৰ বিশ্বত ১.৩ লাখ লোকৰ মৃত্যু হৈছে । ইতিমধ্যে দেশত ২১ দিনীয়া লক্ ডাউন চলি আছে । আনহাতে লক্ ডাউনৰ সময়সীমা বৃদ্ধিৰো কুচ কাৱাছ কৰি থকা হৈছে ।
আঁচনি ভিত্তিক ট্ৰান্সফাৰ
এই মাহত মুঠ ৯,৯৩০ কোটি টকা প্ৰদান কৰিছে চৰকাৰে । প্ৰধানমন্ত্ৰী জন ধন একাউণ্টৰ অধীনত ১৯.৮৬ কোটি মহিলাক ৫০০ টকাকৈ প্ৰদান কৰা হৈছে । চৰকাৰৰ মতে প্ৰায় ৯৭ শতাংশ যোগ্য উপভোক্তাক সাঁঙুৰি লোৱা হৈছে । ইয়াৰ লগতে কেন্দ্ৰীয় চৰকাৰে বৃদ্ধা, জেষ্ঠ নাগৰিক, শাৰীৰিক সক্ষম লোকৰ ২.৮২ কোটি উপভোক্তাক ৫০০ টকাকৈ প্ৰদান কৰে । চৰকাৰে ১০০০ হাজাৰ টকা দুটা ইন্সটলমেণ্টত ৫০০ টকাকৈ প্ৰদান কৰিব বুলি উল্লেখ কৰিছিল ।
প্ৰধানমন্ত্ৰী কিষান সন্মান নিধিঃ
এই আঁচনি অধীনত ১৩,৮৫৫ কোটি টকা ৬.৯৩ কোটি কৃষকক প্ৰদান কৰা হৈছে । প্ৰধানমন্ত্ৰী দৰিদ্ৰ কল্যাণ আঁচনিৰ অধীনত বৰ্তমালৈকে নগদ হস্তান্তৰৰ এইটো আটাইতকৈ সৰ্বাধিক ৪৯ শতাংশ । এই আঁচনিৰ অন্তৰ্গত ১২ কোটি কৃষকক অন্তৰ্ভুক্ত কৰাৰ লক্ষ্য আছিল মোডীৰ । প্ৰধানমন্ত্ৰী কিষান সন্মান নিধিৰ অধীনত চৰকাৰে প্ৰতি বছৰে ৬০০০ হাজাৰকৈ প্ৰায় ৮ হাজাৰ কৃষকক প্ৰদান কৰে । তিনিটা ইন্সটলমেণ্টত এই ধনৰাশী মুকলি কৰা হয় ।
ৰাজ্য সমূহৰ ৩০৬৬ কোটি টকা প্ৰদানঃ
শনিবাৰে বিত্তমন্ত্ৰীগৰাকীয়ে জনায় যে, ৰাজ্য সমূহয়ে ৰাজ্যৰ ২.১৬ পঞ্জীকৃত শ্ৰমিকলৈ ৩,০৬৬ কোটি টকা মুকলি কৰিছে ।
প্ৰধানমন্ত্ৰী দৰিদ্ৰ কল্যাণ আঁচনিৰ অধীনত ধন লাভ কৰা উপভোক্তা সকল হৈছে- জন ধন একাউণ্টধাৰী মহিলা (১৯,৮৬ কোটি), বৃদ্ধা, জেষ্ঠ নাগৰিক, শাৰীৰিক সক্ষম লোক (২.৮২ কোটি), কৃষক (৬.৯৩ কোটি), নিৰ্মাণকাৰী শ্ৰমিক (২.১৬ কোটি) মুঠ ৩১.৭৭ কোটি উপভোক্তাৰ বেংক একাউণ্টলৈ ধন প্ৰদান কৰা হয় ।
