ৰাজস্থান, 8 আগষ্ট : ৰাজস্থানৰ বাৰমেৰ জিলাৰ আন্তঃৰাষ্ট্ৰীয় সীমান্ত বিএছএফৰ জোৱানৰ হাতত নিহত এজন সন্দেহজনক পাকিস্তানী অনুপ্ৰৱেশকাৰী ৷ আন্তঃৰাষ্ট্ৰীয় সীমান্তয়েদি ভাৰতত প্ৰৱেশৰ চেষ্টা চলাওতেই নিৰাপত্তৰক্ষীৰ হাতত মৃত্যু হয় পাকিস্তানী অনুপ্ৰৱেশকাৰীজনৰ ৷
শুকুৰবাৰে নিশা ৰাজস্থানৰ বাৰমেৰ বাখাছৰ সংলগ্ন ভাৰত পাক আন্তঃৰাষ্ট্ৰীয় সীমাৰ কাইটীয়া তাঁৰ অতিক্ৰম কৰি ভাৰতত প্ৰৱেশৰ চেষ্টা চলাওতে বিএছএফৰ জোৱানে গুলিয়াই হত্যা কৰে পাক অনুপ্ৰৱেশকাৰীজনক ৷ শনিবাৰে পুৱা বিএছএফৰ লগতে আৰক্ষীৰ শীৰ্ষ পৰ্যায়ৰ লোক উপস্থিত হৈ ঘটনাৰ বুজ লয় ৷ উল্লেখ্য যে,তিনিদিন পূৰ্বে একে স্থানতে বিএছএফৰ জোৱানে 4 জন সন্দেহজনক লোকক গ্ৰেপ্তাৰ কৰিছিল ৷ দলটোৰ পৰা সেনাই প্ৰায় 6 লাখ টকা জব্দ কৰিছিল ৷
লগতে পঢ়ক : কেৰালাত বিমান দুৰ্ঘটনাত 18 জন নিহত
