জম্মু-কাশ্মীৰত পুনৰ যুদ্ধবিৰতি উলংঘন পাকিস্তানৰঃ নিহত সেনা জোৱান

বিগত কেইবাসপ্তাহ ধৰি জম্মু-কাশ্মীৰৰ সীমান্তত পাক সেনাই অব্যাহত ৰাখিছে আক্ৰমনৰ ঘটনা। কিছুদিন পূৰ্বে সীমান্তৰ নিয়ন্ত্ৰণ ৰেখাত থকা ভাৰতীয় সেনাৰ লগতে সমীপৱৰ্তী গাঁৱসমূহতো আক্ৰমন চলাইছিল পাকিস্তানে।

নিউজ ডেস্ক, ১৪ জুনঃ জম্মু কাস্মীৰৰ পুঞ্চ চেক্তৰত পুনৰ যুদ্ধবিৰতি উলংঘন বিৰবৈৰী পাকিস্তানৰ। কাশ্মীৰৰ সীমান্তত ভাৰতীয় সেনাক উদ্দেশ্যি গুলীবৰ্ষণ কৰে পাক সেনাই । এই আক্ৰমনত এজন ভাৰতীয় সেনা জোৱান নিহত হয় । সেনাৰ সূত্ৰই প্ৰকাশ কৰে এই তথ্য।

শনিবাৰে নিশাও পাক সেনাৰ আক্ৰমনত আহত হৈছিল এজন জোৱান। উল্লেখ্য যে, বিগত কেইবাসপ্তাহ ধৰি জম্মু-কাশ্মীৰৰ সীমান্তৰ নিয়ন্ত্ৰণ ৰেখাত পাক সেনাই আক্ৰমন অব্যাহত ৰাখিছে। ভাৰতীয় সেনাৰ লগতে, সীমান্তত থকা গাঁৱসমূহত সৰু অস্ত্ৰ আৰু মৰ্টাৰেৰে আক্ৰমন চলাইছিল পাকিস্তানে।