নিউজ ডেস্ক, 3 আগষ্ট: তিনিচুকীয়া জিলাৰ বাঘজানৰ তৈলকুণ্ডত সংঘটিত হোৱা বিস্ফোৰণৰ ফলস্বৰূপে প্ৰায় 60-70 হেক্টৰ জৈৱ বৈচিত্ৰৰ বাবে উপযোগী ভূমি নষ্ট হয় ৷ এই বিস্ফোৰণে ইয়াৰ কাষৰীয়া বিভিন্ন প্ৰজাতিৰ বিলুপ্তপ্ৰায় প্ৰজাতি আৰু সংৰক্ষিত বনাঞ্চলৰ বাবে ভাবুকি কঢ়িয়াই আনিছে ৷
বাঘজানৰ তৈলখাদৰ পৰা নিৰ্গত গেছে পৰিৱেশৰ ওপৰত প্ৰভাৱ পেলাইছে কেন্দ্ৰীয় পৰিৱেশ আৰু বন মন্ত্ৰণালয়ৰ অধীনত ডেহৰাডুনৰ Wildlife Institute of India (WII) নামৰ সংস্থাটোৱে 27 মে’ত হোৱা বিস্ফোৰণৰ পাচত সেই স্থান পৰ্যবেক্ষণ কৰাৰ কথা এক প্ৰতিবেদনযোগে জানিবলৈ দিয়ে ৷
‘‘ প্ৰভাৱিত অঞ্চলত গছ,বিল,ৰিভাৰফ্ৰ’ণ্ট,নদী অঞ্চলৰ বিভিন্ন প্ৰজাতিৰ জীৱ,পখী আৰু স্তন্যপায়ী প্ৰাণীৰ ওপৰত প্ৰভাৱ পেলাইছে ৷ ভয়ংকৰ আৰু বিষাক্ত গেছ নিৰ্গত হৈছে, যিবোৰ সকলোৰে বাবে অতি বিপজ্জনক ৷ উক্ত ঘটনাৰ 7 সপ্তাহ পাৰ হোৱাৰ পাচতো ঘটনাস্থলীত জুই নিৰ্গত হোৱা বন্ধ হোৱা নাই’’ ৷
বাঘজানৰ তৈলখাদৰ পৰা নিৰ্গত গেছে পৰিৱেশৰ ওপৰত প্ৰভাৱ পেলাইছে তৈলখাদত পুনৰ 9 জুনত গেছ বিস্ফোৰিত হৈছিল,যাৰ ফলত দুজন অগ্নি নিৰ্বাপক ব্যক্তিৰ মৃত্যু হয় ৷ ভাৰতীয় তেল নিগম কৰ্তৃপক্ষই বিদেশী বিশেষজ্ঞক নিয়োগ কৰে যদিও প্ৰায় দুমাহৰ পাচতো জুই নুমুৱাবলৈ সক্ষম হোৱা নাই ৷
বিস্ফোৰণস্থলীৰ আশে-পাশে ডিব্ৰু চৈখোৱা ৰাষ্ট্ৰীয় উদ্যান আৰু মাগুৰী-মতাপুং জলাশয় অৱস্থিত,য’ত প্ৰায় 40 টা প্ৰজাতিৰ স্তন্যপায়ী প্ৰাণী,450 প্ৰজাতিৰ পক্ষী,104 প্ৰজাতিৰ মাছ,11 প্ৰজাতিৰ সৰীসৃপ প্ৰাণী,18 প্ৰজাতিৰ উভচৰ প্ৰাণী,23 প্ৰজাতিৰ সাপ,165 প্ৰজাতিৰ পখিলা আৰু 680 প্ৰজাতিৰ বিভিন্ন উদ্ভিদ আছে ৷
বাঘজানৰ তৈলখাদৰ পৰা নিৰ্গত গেছে পৰিৱেশৰ ওপৰত প্ৰভাৱ পেলাইছে পৰ্যবেক্ষণত উল্লেখিত অনুসৰি,বিস্ফোৰণস্থলীৰ পৰা নিৰ্গত হোৱা নাইট্ৰ’জেন,ছালফাৰ ডাই অক্সাইড,কাৰ্বন মনোক্সাইড আৰু এইচ চি অ’ এইচে জীৱকূলৰ বাবে বিপদ মাতি আনিছে ৷
লগতে প্ৰতিবেদনত উল্লেখ কৰে যে,তৈলকুণ্ডটো বন্ধৰ ওপৰত গুৰুত্ব দিয়া উচিত আৰু জৈৱ বৈচিত্ৰ প্ৰণালীৰ ওপৰত পৰা প্ৰভাৱৰ মাত্ৰা হ্ৰাস কৰিবলৈ কোনো নতুন ব্যৱস্থা গ্ৰহণ কৰা হোৱা নাই ৷ পূৰ্বেও ডিকম আৰু নাহৰকটীয়া-ডেওহাল তৈলক্ষেত্ৰত বিস্ফোৰণ সংঘটিত হৈছিল আৰু তাৰ পৰা একো শিকিব পৰা নগ’ল ৷
বিগত কিছুদিন পূৰ্বে কেন্দ্ৰীয় চৰকাৰে আগন্তুক 2030 বৰ্ষলৈ 10 শতাংশ আমদানি কম কৰিবলৈ লক্ষ্য হিচাপে হাইড্ৰ’কাৰ্বনৰ অনুসন্ধান কৰে,যাৰ ফলত ডিব্ৰু চৈখোৱা ৰাষ্ট্ৰীয় উদ্যানসহ 7 টা স্থানত পৰীক্ষাৰ বাবে অইলৰ অনুমতি প্ৰদান কৰে ৷
কিন্তু প্ৰতিবেদনত উল্লেখিত অনুসৰি,ডিব্ৰু চৈখোৱা ৰাষ্ট্ৰীয় উদ্যান, মাগুৰী-মতাপুং বিল,পবা সংৰক্ষিত বনাঞ্চল,কবু চাপৰি,অমৰপুৰ চাপৰিৰ আশে পাশে তৈলকুণ্ডৰ সংৰক্ষণ কৰাতো হানিকাৰক ৷ তৈলখাদসমূহৰ সংৰক্ষণৰ বাবে বৰ্তমানেও সঠিকভাৱে সুৰক্ষা ব্যৱস্থা গ্ৰহণ কৰা হোৱা নাই ৷ ডিব্ৰু চৈখোৱা ৰাষ্ট্ৰীয় উদ্যান আৰু অন্য সংৰক্ষিত বনাঞ্চলসমূহৰ সুৰক্ষাৰ হেতু মেচাকী,বাঘজান আৰু তিনিচুকীয়া তেল সম্প্ৰসাৰণ PMLৰ ওপৰত গুৰুত্ব প্ৰদান কৰিব লাগিব ৷
লগতে পঢ়ক :চৰাইদেউত বন্যহস্তীৰ তাণ্ডৱ
