নেশ্যনেল ডেস্ক, 11 ফেব্ৰুৱাৰীঃমানৱতাৰ এক অনন্য নিদৰ্শন দাঙি ধৰিছে ওড়িশাৰ বিধায়ক মনোহৰ ৰান্ধাৰিয়ে ৷ ওড়িশাৰ নৱৰংগপুৰ জিলাৰ পাপদাহান্দি অঞ্চলত বিধায়ক মনোহৰ ৰান্ধাৰিয়ে এগৰাকী গৰ্ভৱতী মহিলাক চিকিৎয়ালয়লৈ 6 কিঃমি পৰ্যন্ত সাঙীত তুলি নিয়ে ৷
মইদালপুৰ পঞ্চায়তৰ অন্তৰ্গত কুচুমিখুন্টি গাঁৱৰ জেমা বেহেৰাৰৰ এগৰাকী মহিলাই পুৱা প্ৰসৱ বেদনাত চটফটাইছিল ৷ পৰিয়ালৰ লোকে জৰুৰীকালীন সেৱাক যোগাযোগ কৰিছিল যদিও বিধ্বস্ত যাতায়ত ব্যৱস্থাৰ বাবে উক্ত স্থানলৈ এম্বুলেন্স সেৱা যোৱাটো আছিল অসমৰ্থ ৷
আনহাতে ঘটনাটোৰ খৱৰ লাভ কৰি তাৎক্ষণিকভাৱে বিধায়কগৰাকী সেই গাঁৱখনত উপস্থিত হয় ৷ গৰ্ভৱতী মহিলাগৰাকীৰ অৱস্থা দেখি বিধায়কগৰাকীয়ে স্থানীয় লোকৰ সহযোগত প্ৰায় 6 কিঃমি বাট লৈ যোৱা হ’ল সাঙীত ৷ পিচত তেওঁৰ নিজ বাহনত প্ৰাথমিক স্বাস্থ্য কেন্দ্ৰলৈ লৈ যায় ৷
বৰ্তমান মহিলাগৰাকী চিকিৎসকৰ নিৰীক্ষণত চিকিৎসালয়ত ভৰ্তি হৈ আছে ৷ বিধায়কগৰাকীৰ এই প্ৰচেষ্টা তথা কাৰ্যক এতিয়া সৰ্বত্ৰে চৰ্চিত হৈছে ৷
আৰু পঢ়কঃদেওবাৰে কেৰেলাৰ বানপীড়িত লোকৰ বাবে নিৰ্মিত 121 টা ঘৰৰ চাবি অৰ্পণ কৰিব ইনাডু-ৰামোজী গোটে