ন্যূনতম আয় যোজনা হ’ব দৰিদ্ৰতাৰ বিৰুদ্ধে চাৰ্জিকেল ষ্ট্ৰাইকঃ ৰাহুল গান্ধী

ন্যূনতম আয় যোজনাৰ জৰিয়তে দৰিদ্ৰতাৰ বিৰুদ্ধে চাৰ্জিকেল ষ্ট্ৰাইক কৰিব ৰাহুল গান্ধীয়ে

নিউজ ডেস্ক, 26 মাৰ্চঃৰাজাস্থানত মঙলবাৰে কংগ্ৰেছ সভাপতি ৰাহুল গান্ধীয়ে কংগ্ৰেছ দল শাসনলৈ আহিলে ন্যূনতম আয় যোজনাৰ জৰিয়তে দৰিদ্ৰতাৰ বিৰুদ্ধে চাৰ্জিকেল ষ্ট্ৰাইক কৰিব বুলি ঘোষণা কৰে ৷‘একৈশ শতিকাত ভাৰতে যদি ন্যূনতম আয় ৰেখা ধাৰ্য কৰিব আৰু কোনো লোক যাতে এই ৰেখাৰ তলত নাথাকে সেই কথা সুনিশ্চিত কৰিব ৷ এই কথাৰ ওপৰত আধাৰ কৰিয়ে তেওঁলোকে ন্যূনতম আয় যোজনাৰ কথা ভাবিছে ৷ মোদীচৰকাৰ খনে যদি ধনীক ধন দিব পাৰে আমিও দুখীয়াক ধন দিব পাৰিম ৷ দেশৰ 20শতাংশ দৰিদ্ৰ পৰিয়ালে বছৰি 72 হেজাৰ টকাকৈ ধন পাব’ বুলি তেওঁ নিৰ্বাচনী সভাখনত কয় ৷বি জে পি চৰকাৰখনে দুখীয়া বিৰোধী স্থিতি লৈ দৰিদ্ৰ ৰাইজক ধ্বংস কৰিবলৈ চেষ্টা কৰিছিল আৰু কংগ্ৰেছে দৰিদ্ৰতাক ধ্বংস কৰিব বুলি তেওঁ কয় ৷