সম্প্ৰতি দেশত ৰাষ্ট্ৰীয় নাগৰিক পঞ্জীকৰণ কাৰ্যকৰী কৰাৰ কোনো প্ৰস্তাৱ গ্ৰহণ কৰা হোৱা নাই!

পাটনাত এক জনসভাত অংশগ্ৰহণ কৰি কেন্দ্ৰীয় মন্ত্ৰী ৰৱি শংকৰ প্ৰসাদে কয় যে, সম্প্ৰতি দেশত ৰাষ্ট্ৰীয় নাগৰিক পঞ্জীকৰণ কাৰ্যকৰী কৰাৰ কোনো প্ৰস্তাৱ গ্ৰহণ কৰা হোৱা নাই ৷ বিৰোধী দলে ৰাষ্ট্ৰীয় জনসংখ্যা পঞ্জীকৰণ(এনপিআৰ)খন অখিল ভাৰতীয় এনআৰচিৰ বাবে প্ৰথম পদক্ষেপ বুলি অভিযোগ কৰাৰ পাচত তেওঁ এই প্ৰতিক্ৰিয়া প্ৰকাশ কৰে ৷

নিউজ ডেস্ক, 30 ডিচেম্বৰঃ"সম্প্ৰতি দেশত ৰাষ্ট্ৰীয় নাগৰিক পঞ্জীকৰণ কাৰ্যকৰী কৰাৰ কোনো প্ৰস্তাৱ গ্ৰহণ কৰা হোৱা নাই ৷" দেওবাৰে কেন্দ্ৰীয় মন্ত্ৰী ৰৱি শংকৰ প্ৰসাদে এই মন্তব্য কৰে ৷ এক জনসভাত অংশগ্ৰহণ কৰি মন্ত্ৰী গৰাকীয়ে কয় যে, ভাৰতৰ নাগৰিকত্ব অধিনিয়মৰ ধাৰা 14Aত উল্লেখ কৰা আছে যে, নাগৰিক সকলৰ বাবে ৰাষ্ট্ৰীয় পঞ্জীকৰণ হ'ব ৷ নাগৰিক সকলক এখন পৰিচয় পত্ৰ দিয়া হ'ব ৷ 2004 চনৰ ডিচেম্বৰ 3 তাৰিখৰ পৰা এই নিয়ম জাৰি কৰা হৈছিল ৷ তেওঁ লগতে কয় যে, মনমোহন সিঙৰ চৰকাৰে এই আইনৰ প্ৰৱৰ্তন কৰিছিল ৷

তেওঁ কয় যে, আইনৰ নিয়ম 4ৰ অনুসৰি এনআৰচিৰ বাবে প্ৰথমে এটা তাৰিখ দিয়া হ'ব তাৰপিচত এখন তালিকা দিয়া হ'ব ৷ ইয়াৰ পাচত সকলোৰে অভিযোগ লোৱা হ'ব আৰু এই ক্ষেত্ৰত শুনানিও গ্ৰহণ কৰা হ'ব লগতে সকলোৰে আবেদন কৰাৰ অধিকাৰ আছে ৷ কেন্দ্ৰীয় মন্ত্ৰী প্ৰসাদে ইপিনে অভিযোগ কৰে যে, কোনো লোকে প্ৰধানমন্ত্ৰী নৰেন্দ্ৰ মোডীয়ে কোৱা কথা সমূহৰ বিষয়ে উল্লেখ কৰা নাই ৷ ৰাষ্ট্ৰীয় জনসংখ্যা পঞ্জীকৰণ (এনপিআৰ)খন অখিল ভাৰতীয় এনআৰচিৰ বাবে প্ৰথম পদক্ষেপ বুলি বিৰোধী দলে তেওঁৰ বিৰুদ্ধে অভিযোগ কৰাৰ পাচতহে মোডীৰ বিষয়ে জনসাধাৰণে প্ৰতিক্ৰিয়া প্ৰকাশ কৰিছে ৷ অৱশ্যে কেন্দ্ৰীয় মন্ত্ৰী অমিত শ্বাহে এনআৰচি আৰু এনপিআৰৰ মাজত কোনো সামঞ্জ্যতা নাই বুলি মন্তব্য কৰিছিল ৷ লগতে তেওঁ উল্লেখ কৰে , ডিচেম্বৰৰ 22 তাৰিখে প্ৰধান মন্ত্ৰী নৰেন্দ্ৰ মোডীয়ে কৈছিল যে, এনআৰচিৰ বিষয়ে চৰকাৰৰ সৈতে কোনো ধৰণৰ আলোচনা কৰা হোৱা নাছিল ৷

বিৰোধী দলে মোডী চৰকাৰক সমালোচনা কৰাৰ বাবে বিৰোধী দলৰ ওপৰত আক্ৰমণ কৰি প্ৰসাদে কয় যে, 2010 চনৰ 7 মে'ত লোকসভাত জনগণনা ওপৰত আয়োজিত এক তৰ্কত তেতিয়াৰ গৃহ মন্ত্ৰী চিদাম্বৰমে কৈছিল যে, তেওঁলোকে ৰাষ্ট্ৰীয় জনসংখ্যা পঞ্জীকৰণ তৈয়াৰ কৰি আছে আৰু ইয়াৰ দ্বাৰা ৰাষ্ট্ৰীয় নাগৰিক পঞ্জী তৈয়াৰ কৰা হ'ব ৷ মোলায়ম সিং যাদৱ, লালু যাদৱ আৰু শৰদ যাদৱে এই তৰ্কত অংশগ্ৰহণ কৰিছিল আৰু কোনোৱে সেই সিদ্ধান্তৰ বিৰোধিতা কৰা নাছিল ৷ তদুপৰি তেওঁ কয় যে, ভাৰতীয় নাগৰিকৰ ওপৰত নাগৰিকত্ব সংশোধনী আইন প্ৰযোয্য নহ'ব ৷ তেওঁলোকে বিৰোধিতা আৰু শান্তি প্ৰতিবাদক সন্মান কৰে বুলিও তেওঁ উল্লেখ কৰে ৷ কিন্তু যিসকল লোকে দেশখন ভাগ কৰাৰ কথা ক'ব তেওঁৰ বিৰুদ্ধে বিহীত ব্যৱস্থা গ্ৰহণ কৰা হ'ব বুলিও কেন্দ্ৰী মন্ত্ৰী ৰৱি শংকৰ প্ৰসাদে প্ৰকাশ কৰে ৷ উল্লেখ্য যে, এনআৰচিয়ে দেশখনত অবৈধ প্ৰৱাসী সকলক চিহ্নিত কৰাৰ চেষ্টা কৰিছে ৷ উচ্চতম ন্যায়ালয়ৰ নিৰ্দেশত এনআৰচি অসমত প্ৰৱৰ্তিত হৈছিল য'ত এনআৰচিৰ অন্তিমখন তালিকাত 19 লাখ লোকৰ নাম কৰ্তন কৰা হৈছিল ৷

লগতে পঢ়ক - নৱবৰ্ষৰ প্ৰাক মূহুৰ্তত মূলসুতিলৈ উগ্ৰপন্থীৰ বৃহৎ দল