আজি ৪২সংখ্যক জি এছ টি পৰিষদৰ বৈঠক

কেন্দ্ৰীয় বিত্তমন্ত্ৰী নিৰ্মলা সীতাৰমণৰ অধ্যক্ষতাত অনুষ্ঠিত হৈছে ৪২সংখ্যক জি এছ টি পৰিষদৰ বৈঠক । দিনৰ ১১ বজাৰ পৰা নতুন দিল্লীত ভিডিঅ' কন্ফাৰেন্সিঙৰ জৰিয়তে বৈঠক অনুষ্ঠিত হৈছে ।

নেশ্যনেল ডেস্ক, ৫ অক্টোবৰ: আজি অনুষ্ঠিত হৈছে ৪২সংখ্যক জি এছ টি পৰিষদৰ বৈঠক । কেন্দ্ৰীয় বিত্তমন্ত্ৰী নিৰ্মলা সীতাৰমণৰ অধ্যক্ষতাত দিনৰ ১১ বজাৰ পৰা বৈঠক আৰম্ভ হৈছে । নতুন দিল্লীৰ পৰা ভিডিঅ' কন্ফাৰেন্সযোগে বৈঠকত অংশ লৈছে বিত্তমন্ত্ৰীয়ে । ৪২সংখ্যক জি এছ টি পৰিষদৰ বৈঠক অংশগ্ৰহণ কৰিছে বিত্ত ৰাজ্য মন্ত্ৰী অনুৰাগ ঠাকুৰ আৰু কেন্দ্ৰীয় শাসিত অঞ্চল তথা ৰাজ্যসমূহৰ বিত্তমন্ত্ৰীসকলে । চৰকাৰৰ উচ্চপদস্থ বিষয়াও এই বৈঠকত উপস্থিত থাকিব বুলি টুইটযোগে প্ৰকাশ কৰিছে বিত্ত মন্ত্ৰালয়ে । যোৱা ২৭ আগষ্টত অনুষ্ঠিত হোৱা আগৰ বৈঠকত জিএছটি পৰিষদে জিএছটি ক্ষতিপূৰণক লৈ ৰাজ্যসমূহক দুটা বিকল্প উপায় দিছে । এটা হৈছে ৰাজ্যসমূহে জিএছটিৰ পৰা সংগৃহীত ৰাজহৰ লোকচানৰ বাবে ৰিজাৰ্ভ বেংকৰ পৰা লোৱা ঋণৰ সুদসহ ৯৭হাজাৰ কোটি টকা কেন্দ্ৰই প্ৰদান কৰিব। দ্বিতীয়টো এই বৰ্ষত ২,৩৫,০০০কোটি টকাৰ ক্ষতিপূৰণৰ ব্যৱধান ৰিজাৰ্ভ বেংকৰ পৰামৰ্শৰ জৰিয়তে সমাধান কৰিব পৰা যাব ।

লগতে পঢ়ক :ভাৰত-ম্যানমাৰৰ আলোচনাৰ মাজতেই বৃদ্ধি বিদ্ৰোহী সংগঠনৰ কাৰ্যকলাপ